كيقصد العريشي ولا أحيزون.. البطل سفيان البقالي رد بميساج على تحفيزات أولمبياد باريس

خرج البطل الأولمبي والعالمي سفيان البقالي اليوم الخميس، خرجة ملغومة من بعد ساعات فقط على إعلان اللجنة الوطنية الأولمبية المغربية على المنح اللي تم تخصيصها للأبطال المغاربة اللي غادي يربحو الميدالية فدورة الألعاب الأولمبية باريس 2022.
البطل المغرب سفيان البقالي، بطل أولمبياد طوكيو 2020 ميدالية سباق 800 متر حواجز وبطل العالم فنفس المسافة لعام 2022، خرج فاقل من 24 ساعة على إعلان اللجنة الأولمبية المغربية على المنح اللي خصصتها الأبطال اللي غيمنحو المغرب ميداليات فأولمبياد طوكيو وفمقدمتها 2 مليون ديال الدرهم بالنسبة للي غيجيب ميدالية ذهبية، ونشر سفيان البقالي على السطوري ديالو فأنستغرام رسالة ملغومة وقال فيها: "مخططات فاشلة ولا تحفز الرياضيين، المرجو إعادة النظر، ألعاب أولمبيية.. ميساج".
ومن شأن رسالة سفيان البقالي تخلق الجدل وسط الجماهير المغربية، خصوصا وأنها صادرة من بطل أولمبي وعالمي، وجات مباشرة من بعد ساعات على إعلان اللجنة الأولمبية المغربية على المنح اللي خصصتها الأبطال المغاربة اللي غادي يرجعو بميداليات أولمبياد باريس
الميساج علنات عليه اللجنة الأولمبية المغربية اللي كيرأسها فيصل العريشي.
https://instagram.com/stories/soufianeelbakkaliofficiel/3008967798842983717?utm_source=ig_story_item_share&igshid=MDJmNzVkMjY=