ليفار رجعو للرباح والصدارة بفوز على لوصيكا اللي غرقت

ربح فريق الجيش الملكي المضيف ديالو فريق أولمبيك خريبكة اليوم السبت فتيران الفوسفاط بمدينة خريبكة، ضمن الجولة 12 من منافسات البطولة الإحترافية لكرة القدم.
وخرج الجيش الملكي متقدم فالجولة الأولى عن طريق زكرياء فاتي اللي ماركا هدف ليفار الأول فالدقيقة 41، وفالشوط الثاني زاد الفريق العسكري الهدف الثاني فالماتش بواسطة لامين دياكيتي، فالدقيقة 69، والغريب فالهدف هو أن اللاعب فاتي سجل الهدف وترفض بداعي التسلل وغادر اللاعب التيران حيث شونجاه المدرب ديال ليفار، ومن بعد مرور 2 دقايق ديال توقف الماتش بسبب العودة إلى تقنية "var"، و تدخل الأخير باش يحتسب الهدف، احتفل فاتي بالهدف من كراسي البدلاء.
وتوقف من بعدها الماتش بين فريق أولمبيك خريبكة وفريق الجيش الملكي بسبب دخول شي واحد من الجمهور إلى أرضية الملعب، قبل ما يرجع حكم المواجهة ويعلن استئناف المواجهة اللي ظلت بنفس النتجية حتى سالا الوقت ديالها بانتصار ليفار، واخا زاد الحكم 8 الدقائق كوقت بدل ضائع ولكن لوصيكا ما قدرتش تسجل ولو غير هدف تقليص الفارق على الأقل.
وبهاد الرباح رجع فريق الجيش الملكي لصدارة البطولة الإحترافية من بعد 2 تعثرات اولها كان بتعادل مع السوالم وآخرها كان بالخسارة مع الفتح الرياضي، وكيحتل الفريق الأن المركز الأول برصيد 24 نقطة، وبالمقابل تجمد رصيدو عند 5 نقاط والفريق غارق فأسفل الترتيب.