البام والبدراوي فرحانين للحكم لي تصدر ضد بودريقة ومقرب منو ل"كود": تحكم عليه غيابيا والشركة ماشي ديالو

انصار فالبام وعزيز البدراوي رئيس فريق الرجاء فرحانين بالحكم لي تصدر ابتدائيا ضد محمد بودريقة القيادي فحزب الاحرار وعضو الجامعة الملكية المغربية لكرة القدم.
الباميون من شحال هادي كاعيين على بودريقة مور ما سول فاطمة الزهراء المنصوري وزير السكنى واعداد التراب الوطني، فقضية بلوكاج الاستثمارت فالعقار بكازا والفوضى لي فيها. دبا فاش خرج الحكم عليه فرحو كثر .
اما البدراوي فروج هو وصحابو بزاف هاد الحكم. تصريح بورديقة الاخير على الصينية ف"كود" قلق بزاف مول الزبل. لقاها مناسبة ينتاقم منو
يشار بلي المحكمة الابتدائية الزجرية لعين السبع فكازا أدانت، أمس الاثنين، البرلماني محمد بودريقة غيابيا بالسجن أربع سنوات موقوفة التنفيذ، مع أداء غرامة مالية حددت في 8839000 درهم، وتحميله صائر الدعوى العمومية المرفوعة ضده.
مصدر مقرب من بودريقة قال ل "كود" باللي هاد الشركة ماشي ديالو وما عندو علاقة بيها، وبلي تحكم عليه غيابيا.
الاستئناف غادي يبانو تفاصيل الملف اكثر.
للتذكير فمتابعته فهاد الملف عدد 3288/2101/22، والمتعلق بإصدار شيكات بدون رصيد خاصة بهذيك الشركة.