بلاغ منخرطي الراجا ضد الحملة على "لقجع". منخرط رجاوي ل"كود": كان اجتماع وغالبية الاعضاء ضد استهداف رئيس الجامعة وغير عضو من العدل والاحسان اللي رفض هاد التضامن والبدراوي ما وقعش معانا وها علاش ما درناش اسمنا

وقع عدد من منخرطي الرجاء البيضاوي قبل قليل على بيان ضد الحملة علي فوزي لقجع رئيس الجامعة الملكية المغربية لكرة القدم. "لا للمساس بمقدسات الوطن ولا لاستغلال اسم الرجاء ومكوناته في خلق القتن المغالطات"
ونوه البيان بفوزي لقجع وما يقوم به ب"حكمة ورزانة ويدافع عن مصالح الاندية المغربية والمنتخبات افريقيا ودوليا بكل استماتة ووطنية" واستنكر منخرطو الرجاء ما سموه "محاولات مغرضة تستهدف بلدنا كالعادة بجميع الوسائل"
واعلن منخرطو الخضرا عن تضامنهم "الشامل مع السيد فوزي لقجع ومع جميع مكونات الوطن الغالي من اجل التصدي لاعداء تطور بلدنا واشعاعه قاريا ودوليا"
البيان وفق منخرط رجاوي ل"كود" وقعه اليوم بعد اجتماع في الدار البيضاء حضرو ليه كثر من 50 منخرط. المصدر قال ل"كود" باللي هاد البيان باش تحط فالواتساب الخاص بالمنخرطين الرجاويين وافق عليه تقريبا كل الاعضاء٬ واشار باللي منخرط من جماعة العدل والاحسان هو اللي اعتارض عليه ورفض مضامينو واسمو عصام الابراهيمي.
بخصوص عدم ذكر اسماء الاعضاء قال المصدر ل"كود" باللي جرت العادة ما نديروش اسماء المنخرطين بالاضافة الى تفادي المشاكل مع الجمهور "هاد الشي شوية صعيب والمنخرطين خايفين على ريوسهم"
رئيس الرجاء عزيز البدراوي حتى هو ما وقعش على هاد البيان ولا دعمو لحد الان.
"كود" سولات المنخرط على عبارة "التصدي لاعداء تطور بلادنا" وكلمات اخرى فيها "اعداء الوطن"٬ فرد باللي مع هاد الهاشطاگ ضد فوزي لقجع كاين نشاط كبير بزاف بزاف لجزائريين "راهم لعبو دور كبير فهاد الحملة"
هاد الشي ديال "لا للفساد. لقجع ارحل" بدا بعد تصريح لرئيس الرجاء لراديو مارس اللي عبر فيه عن انتقادو للبرمجة وللتحكيم وهدد بالاستقالة واخا ما دارهاش.
المنخرط الرجاوي قال ل"كود" باللي كل رجاوي غيور غادي يدافع على ناديه ولكن بلا ما يولي هاد الدفاع حملة تحركها جهات خارجية واضاف "كل مناسبة بين جمهور الرجاء البيضاوي علي عظمتو فالدفاع على مصالح المغرب ورفض استغلالو فمعارك وتجند يدافع على لبلاد"