البالانطاينز

خوتي خواتاتي …عيد الحب بعد غدا ان شاع الله ياك..يعني غادي تحط لي تصويرتك مع امك لابسة جلابة كحلة وسبنية ديال البوليسطير حمرا وتقولي سأحتفل بالفالنتاين مع أمي هي أكبر حب في حياتي ولا انتي تصويرة ديال باك يالاه نازل من الصون طروا 103 باقي ما تغدي بشلاضة ديال الخس، وطبسيل اللحم بالجلبانة، وتقولي والدي هو حب حياتي غنضرب والدين مك انت وباك وخوتك تا دورو اولاد لحرام … الفالنتاين ماشي هو عيد الام يا ابن المحرومة …من جهة اخرى اخي " العشقوق " لي غادي يشري الدبدوب والشوكلاط ديال الغزالة ايغبيل … خصك تعرف ان طبيعة الهدية تكون من فصيلة المهدى اليه بالضرورة .. يعني ميمكنش تكون مصاحب مع وسط ميدان دفاعي، ديال النادي الرياضي القصري، وتشري ليها دبدوب!!!! الدبدوب راه كنعطيوه لإليسا اولد لحرام ماشي لنادر المياغري بالشعر طويل .. يعني هناك اختيارات اخرى في هذا البالانطاينز يمكن اللجوء اليها ،وتنسجم مع اصالتنا وعراقتنا … تقطيعة ديال الجلابة .. سربيس ديال الزلايف ، طبصيل ديال الطوس .. عرضها على الشوا فالخضاضرة … منظرنا حنا المغاربة مع الشكلاط والدبدوب والله العازيم مش حلو خالص….!!! الخلاصة خوتي الحب شعور شيء جمييييل ورقيق بزاااف.. لا تفسدوه بالهدايا الصينية لي فيهم ريحت الميحفاظة ديال الدخول المدرسي .. فرب كلمة جميلة تكتبها الى حبيبتك وتلصقها على علبة صغيرة فيها خاتم سوليطير ب 30 الف دولار.. هي احسن عند الله من عشرين دبدوب مول 30 درهم.. والله تعالى أعلم…