بين برشلونة ومايوركا وغاليسيا الحساب مع ولاد الخير قريب

أمين أحرشيون
الحساب مع ولاد الخير قريب
والحساب مع ولاد الشر والحقد حسابي معاهم طويل .
فتحتي دقمك ورسمتي الشر على وجهي وقلتي اللي بغيتي
غير و كان ،يمكن مزال ما عرفتي والو …
هذا ماشي ولد باباه او ولد ماماه ،هذا ماشي يمسح كابا ني البرلماني او مسؤول او وزير او شي موظف من الموظفين للمملكة المغربية الشريفة.
هذا ماشي فاشل وهذه لدك المسؤول
وهذا ماشي ولد باباه والفشوش وخا هو شارف ومزال فيه الفشوش د دراري صغار … حيت وحد نهار كنت مع شي ناس لزيارة خاصة
وقف في باب د المكتب التوظيفي وقال :
شكرا ،ارجع منين جيتي ،ونسا باني انا اللي جيبتهم وجاو معايا شخصيا …تاكدت بانه إنسان متكبر وفحالو عداد من ولاد الفشوش وهو ناسي راسو ،مجرد رقم السي فلان.
هذا اذا كنتي تعرف اللي عانا وقاسا وهو في سنو سنتين ومزال عايش بقدرة الله .
هذا ماشي ساكت او سامح او مشا
هذا مزال عايش بقدرة الإله
هذا ما ينسى الخير وما ينكر الخير
ماشي فحال دك صحاب الشواهد على حساب باباه ونسكوت احسن بكثير …
هذا ما يجرح ما يحݣر ما يظلم ويكره المتكبرين وخا يكون شكون ما يكون .
هذا باباه عندو حوما وماشاء الله عليه هو ،وشغلو هداك
والأراضي غير هما وديالو هو ويجي الزلزال وما يبقى عندو والو وكاين اللي يتيم وخا هو ماشي يتيم
وما أجمل سورة سيدنا يوسف عليه السلام.
غير لازم تعرف هذا من النوع اللي اذا ما حس به حد ،ما يحس به وخا يكون من لحم ودم ما علابالوش.
وهذا مزال عندو حساب طويل مع هدوك اللي قتلوه ومشاو في جنازتو…
يحيني الله ،ونشريلك الكفن ونتكفل اذا عندك شي ما يتكفل …
هذا ولد الشعب و ولد الغربة
وكيف يقولو ولاد الغربة مرة تضحك مرة تبكي ..
والله يبارك لي في ولادي منار احرشيون و عمران احرشيون
وما تخمم فيهم ،حيت رزقهم محفوظ ان شاء الله خير.
ومزال الايام فيها خير .
هذا قنطرة ليك وفيهم القناطر مرسومة على حسابهم …
غير وكان إذا مشيتي على القنطرة عاليا وكنتي تخاف من العلو او تجيك دوخا او ماشي فوق القنطرة وانت بالك محسوس وما عندكش ثقة في نفسك حيت انت مجرد لعبة يتلعب بها وخا انا قنطرة لكن غادي نلعب بك وبه كيف ما بغيت .
وقريب نعرفك براسك ونعطيك حق كلامك .
هذا كلامي وقريب يجي عندكم ويجلس حداكم والضحكة فيك وفيهم وعليهم انا عايش .
رغم المعانات مع … ورغم الألم د الطفولة ورغم الظروف
والله لا سمح فحقوا حيت
مغربي حر وتطوان هي حياتي ودمي ريفي
والعزة لله ورسوله والمؤمين.
لي الشرف اني أسست أول جمعية رغم النباح
ولي الشرف اني تعاملت مع العديد من الاشخاص وكنا سبب في ظهورهم بعدما كانو في فعل كان ولا هم موجودين
ولي الشرف اني مغربي افريقي عربي أمازيغ الاصل .
واسبانيا هي بلادي ونموت فيها اذا كتاب يا ربي .
حيت هي الحقيقة اللي بها شفت وعييشت حقيقة المجتمع الدولي كيف يفكر ويعيش .
ماشي هارب ليها او راسم فيها المستقبل .
وكلشي على حساب الضعيف او الخبر فراسك .
والحاجة الوحيدة اللي كنكره في بلادي و كرهوني في بلادي
المستشفيات ونفاق المجتمع وحب المظاهر وما اكثرهم
مجرد جسم الإنسان بلا قلب ولا ضمير .
وفي الاخير : الله يشفينا ويشفي الجميع من كل مكروه وسوء من الإنس والجن.
بارك الله في عمري وزادني قوة وتحمل كل ما اعيشه في الساعات او الايام او الشهور او الأعوام الباقية في
حياتي ولا أبالي .
وقريبا سنكون صوت الشعب الى الشعب ومن الشعب
لاننا ابناء الوطن
ومستقبل الاجيال همنا الوحيد .
1983/09/20
بدأ العمر يمشي