الشرع ْعطانا ربْعه

خويا نوصيك رد بالك
كحّل عينك ب وحْده
تهنىّ ويسْلم جارك
مايوْجع قلبْ ما تفقّس كبده
ب الكثره يقل زادكْ
يكبر الهمْ أو الطّول الشدّه
ماتقول جيبي عامر
نجوّج جوج ألا ربْعه
خوفي عْليك أمسكين
الطيحْ عل شي سبْعه " لبؤة"
تقرُب حْبابها وتبعّد حبابكْ
تشوف المال ماتشوف حوالك
ماتقول جيبي عامرْ
خوفي عليك أمسكين
الطيح على شي ضبْعه
الى سوّلتַ ثلاثه وثلاثه
دغي تجاوبك تعطينا سبعه
تفرّخ ليك رْيوس واشمن ريوس
الراس كبير والعقل صغير
ها الخير أ الخمير
أو الريوس غي ريوس الحْمير
لا تقول بغيتْ نتصابى ونتمتعْ
خوفي عليك أمسكين
الطيح على لي كرشها واسْع
انت تشوفْ الزين
أهي عينها فْ الجّيب
لسانها مسلحْ أرى .. سير جيب
ب شقاك طيّب نعاسْها
وبنارْك ذوّب نحاسْها
نصبْتַ لْ الطاجينْ فاش راك الطيبْ
درْتي كيف داك الخروف
لي مشى الغابه يتنزه
ساعه طاح ف الديبْ
لا تقول جيبي عامر
خوفي عليك من شي لفعه
ورده طريّه وشوكها مسْموم
تحْني الراس وتحدرْ العين
دخل ف عش كلّه ملغوم
ويمكن تهرّس فيك الضلعه
لا تقول بغيت نتمتع
خوفي عليك أمسكين
تلقىّ مولاتْ العين الخايْنه
إلى لزمْ خيالكْ خيالها
بالكادْ
تعفّ..أتحْدر شفارْها
تشد حْروف اللسان
أوماطلقْ سْراحها
ويلا تبعتַ الرزقْ أهجرتַ المْكان
ب رزقك تحمّرْ خدودْها
تفتح الباب أ تسْرح ف غْرامْها
ويلا بغيت البْلان
سوّلْ الشاتْ إعطيك خبارْها
جبت لي تراري بك كيف الصّبْيان
توشم حياتك ب الذلّ
إلا ما كفى النهار، تكمّل بالليل وْشامها
لا تقولْ هدا غزال بْغيتو وبغاني
خليوْني نتمتع ْ
نغرسْ زهْره يانْعه فْ جناني
البْهى والزين
نعضّ عليه أنا ب سْناني
هاديك راها عوده مْسرّجه
الرّشاقه والقْوام
باغيه فارس م الفرْسانْ
يشدّ الرّكاب ويتحكم ف اللجامْ
ويلا كنت هْمًه وْشان
أوطلعت بطل ف اللي جْرى وكان
لا تفرّط ف القْديم
ساوي كْفوفْ الميزان
دير راسك برّاد
إصبّ ف جْميع الكيسان
تزرع ف القلوب مْحبّه وسْلام