هذا حال المهمول لا من يراقب ولا من يشوف آشنو واقع لتلميذات أبي ذر الغفاري بني درار آشي في مساء كل يوم بباب إعدادية أبي ذر الغفاري بني درار وتشوف آش واقع أصحاب والدراجات بيهم بريحت ووسخهم وريحتهم كتعطعط بالمازوط غي يكمل من تنقال القترة ديال الكازوهمال وآخر قطرة يكون في باب الاعدادية ينتظر شي بنت يهرف عليها وهاذ الشي راه واقع وسولوا المسؤولين هناك يحكيوا لكم لمرارة اللي عايشينها مع هاذ الجهال والمراهقين والسكايرة والشمكارة وغيرهم ، زارعين الرعب في التلميذات . لبنات غير يخرجوا يبقاو يجريوا وكل واحدة خيفة إلى يشمكرها شي مخبول وكاين من هاذ الأوباش اللي هازين الماس وجناوة ويهدو بهم لبنات باش يمشيوا أمعاهم ويعتديوا عليهم كيما وقع لشي تلميذات مسكينات مع شي وحدين ونحكيلكم على البعض منهن. - شي تلميذات دخل فيهم واحد بسيارة في حائط الاعدادية عدمهم . - 2 بنات عرضولهم م شبن بالماس في السيارة وحاولا يغتاصبوهم لولا بعض الحضور اللي سلكوهم - وحدة دارلها سكايري الموس في عنقها وداها أمعاه النهار كامل ووالديها أيقلبوا عليها - وحدة اختطفها واحد الباندي أسبوع ووالديها أيقلبوا عليها - وإلى بغاو المسؤولين يعرفوا حقيقة هاذ الشي ما عليهم غي يتفقدوا الاعدادية شي أنهار ويشوفو لعجب والفضايح والغرايب اللي واقعين بباب مؤسسة تربوية وتعليمية اللي بابها بحال شي جيفة داير عليها الذبان فين الأمن بباب الاعداديات فين مراقبة الدرك الملكي فين المخازنية بقات غي في لبس وزيد في الخلصة . نساو شوي لفرنك وليو لعقولكم راكو أهبلتوا كثر من القياس وإلى بقات الحالة بحال هاكا وما كانش الأمن والمسؤولين عارفين وسامحين غادي آباء التلميذات يهزوا لماس وتولي القتيلة وكلشي يترون ويتخلط راه حتى التلاميذ راهم كيهزو لماس الله يحسن العون راه المدرير والحارس العام وموظفي المؤسسة والأساتذة ولاو كيخافو يعملوا في هاذ الجو وإلى طليت في الليل على دار الطالبة مسركلا بالسكايرة والكلوشارا والكيفايفية أيباتو هاذوك البيات يرتعدو بالخوف ... ريضوا الإعدادية ردوها بورديل ولا حانة أنتاع السكايرة ورواحو تعاونوا على الروينة ولارواس نتمناو من المسؤولين من الدرك الملكي والناس اللي كيقولو راحنا حارصين على الأمن يردو البال لهاذ الشي اللي راه واقع و هاذ الفضايح قبالت اللبي غادي واللي رايح .. آباء وأولياء تلاميذ إعدادية أبي ذر الغفاري بني درار
