محزن: السرطان يخطف الطفل محمد صاحب أشهر تدوينة سأرحل قريبا وربما لن أعود

توفي مساء أمس الخميس 11 أبريل الجاري، الطفل "محمد بن حمزة" ابن منطقة عين لحصن بتطوان وصاحب تدوينة "سأرحل قريبا وربما لن أعود"، والتي كان قد كتبها بعبارات تحمل خيبة أمل في الصراع مع السرطان، حيث هزت موقع التواصل الإجتماعي ..
وكان الطفل محمد نشر عدة تدوينات كشف فيها عن خيبة أمله في البقاء على قيد الحياة بعدما أصابه مرض السرطان، وما زاد من خيبته الفقر وضعف الإمكانيات المادية لمسايرة العلاج، حيث كشف عن تفاصيل معاناته مع مرض السرطان..
إذ قال "السلام عليكم أنا كتبت هاذ المنشور حيت كاين لي مفهمش اش واقع ليا أو فاهم بالغلط المهم أنا ملي مرضت فشهر 6 مشيت الرباط هوما صيفطوني لطنجة حيت الرباط بعيدة وأنا مكنعرف حتى واحد تما صافي جيت لطنجة بداو بالأشعة ملي ساليتها قالت ليا الطبيبة سير كلينيك وشد القامة ودير الشيميو حسن هنا طبيب الدولة غتكرفص وتما لي كاين طبيب خاص بالمرض قلنا واخا، قالك الدوا غالي عاونونا ناس جزاهم الله خيرا بقيت متبع والو كانشوف الحالة كتزيد وفلوس مشاو فوالو جيت الدار بقيت حتا شدولي موعد فالرباط"..
وأضاف "ملي طلعت رفضوا يعالجوني حيت ضعيف بزاف قالك الطبيب لي فطنجة زاد هلكني قالك من دبا شهر رجع جيت لدار عاود رجعت قالك والوا سير من دبا شهر عاد رجع وأنا كنموت بالحريق (سناني _ عيني _راسي) دبا منقدرش نتحمل شهر ديال الحريق حنا خصنا الطبيب لي يكون معقول وفاهم وماشي كيهموا الفلوس قبل صحة المريض واذا وقفت على الفلوس ربي كبير ووخا نسلفوهم مكاين مشكل بغينا غي المعقول"..