أهبُر

أهبُر
خدّي صار لك مداس
بقلبك مات الإحساس
ضميرك نايم خنّاس
لهيك بيع الغاز
والزيتون والناس
واشرب
مع عدوي كاس
طبّع
وخيانتك استر
أهبُر
من ورا مكتبك
طلّع في ثانية مُرتّبك
بيع المبادئ والمُثل
مثلك عمره ما ارتبك
وادعي للي ولاّك منصبك
و حط بجيبه حط
واشكر
أهبُر
يا عم أهبُر
محدش شايف
أهبُر
من مين وليش خايف؟!
أيامنا الشرف زي القطايف
محشي دعاوى وسفايف
عشان هيك قوي قلبك
وأهبُر
أهبُر
مين قال انك مكحكح
وعجوز
بعدك صغير
بعمر اللوز
والحلوة كحيانة
وبدها جوز
وعندك بدل المليون جوز
وشباب اليوم قشرة موز
عشان هيك دق الباب
واعبر
أهبُر
الشعب تعبان
جعان
نايم
عيونه عميا
وعقله صايم
قلبه مطفي
وفي "باب الحارة" هايم
بموت في التخاريف والعزايم
ولمعسول الكلام
تصفيقه دايم
من هيك شعب
دخيلك أهبُر
أهبُر
عشان مريضك يخف..
حيدفع
بلا هبر الحال معك ما بنفع
مستشفى فندق مَ راح ترفع
انت دكتور أسمى و أرفع
ليه ترحم محتاج مقطّع؟
شعارك :
"اللي مش عاجبه يخلع"
عشان هيك النقابة
بتقوللك أهبُر
أهبُر
التجارة هبر
وصبر
وشطارة
رُخص السعر عندك حقارة
غلّي
واغلي
واكوي بمهارة
مين يحاسبك
وانت ابو القرش والدوبارة
شعارك:
"التجارة دعارة"
وعشان ما فيش اللي يمنعك
أهبُر
ولغيرك سيب المرارة