يوميات مهاجر بزز عليه "الحلقة7"

اتلقاو ليا الدراري جابو معاهم الماكلة وكلشي مر مزيان ارتحت شيئا ما نفسيا قلت ليهم نمشيو دابا مبغاوش ابغاو يمشيو للبحر اليوم مع انه يوم احد ؛ انا مابغيتش، ارجعو معايا جوج منهم باش نمشيو في التران لواحد الفيلاج اسمه اشيرا . فعلا شدينا التران انا قطعت الورقة هما ابلاش حوالي نصف ساعة اوصلنا للفيلاج باش انوصلو فاين
ساكنين حوالي عشرة كلم خاصنا اعلاش نركبو اقترحو اعليا كل واحد يهز دراجة هوائية من المحطة ونزيدو فعلا اول مرة نركب على بيكالة مادياليش امشينا اوصلنا الجو حار جدا اوصلت صبت ولد عمي كايتسنى فيا في واحد البرتوش في الخلا والقفار ومطيب الكسكس نعم الكسكس بعد السلام والعناق والترحيب كلنا ماتيسر سولتو فاين كاين السكن ابدا كايضحك فهمت القصد ان هذا المحل هو السكن الدباب مجمع اعلينا اشنويلة والناموس المهم حالة ماتبغيهاش لعدوك وحتى الزواحف تمر بيننا ….في المساء قال لي يالله معايا نجيبو الما من واحد العين هزينا البكالات والبوديزات امشينا شي خمسة كلم عمرناهم جايين راجعين صبنا واحد الايطالي باقي في الحقل اديالو شير لينا قال خاصينو الخدامة فعلا قلت ليه انا انجي عندك غدا مع ولد الاخ اديالي ؛ فعلا الرابعة صباحا كنا في الحقل كانت بطاطا كاتمشي على ركابيك ومع الثانية عشر كاتشرجي الصنادق في التراكتور االنهار كان عندي اكحل اول مرة كانخدم اعييت بزاف ولد الاخ اديالي هو اللي انفعني شرجا في ابلاصتي الصنادق ارجعنا في الواحدة طيبنا البيض اتغدينا لا انعاس لا والو الدباب واشنويلة والصهد في المساء قلت لولد عمي مانمشيش نخدم تم؛ فعلا صيفط خوه وانا امشيت للمشمش اخدمت حوالي اسبوع كامل ثم طابا ابقيت خدام معاه عجبني الحال مع ان العمل مرهق كملنا داك الشي اللي عندو وليت كانخدم في ابطاطا مرة اخرى لكن هذه المرة مع المجموعة الضحك والهبال والجميل اننا كنا كانخدمو من الرابعة والنصف الى الثانية عشر ب 35 اورو ثم من الثانية زوالا الى الثامنة بنفس السومة المهم دورنا اصريف اشوية مبقى مايدار في نابولي قال لينا ولد عمي دابا راها الخدمة كاينة اديال ماطيشة في فوجا نمشيو وبالفعل كنا حوالي 10 اشخاص شدينا الحافلة وصلنا حوالى الثامنة مساءا للمدينة كانحاولو ماامكن نخرجو من المدينة ونمشيو للفيلاج وعليه اضربنا الطريق اعلى رجلينا حوالي 20 كلم انعسنا في الطريق في الهواء الطلق كل واحد فينا يبقى مدة هو اللي داير الحراسة اعلى المجموعة ؛ في الصباح وصلنا للفيلاج ارض خالية من البشر لا حنين لا رحيم الا حقول الفلاحة .
يتبع