سعيد سونا في حوار هزلي مع بنكيران

أجرى الحوار: سعيد سونا
ونحن على بعد أيام قليلة على تنصيب حكومة عبد الإلاه بنكيران بعد أن يصادق البرلمان المغربي بغرفتيه على التصريح الحكومي، أو على البرنامج الحكومي، كما جاء في الدستور حرفيا، قررنا أن نجري هذا الحوار الخفيف الظريف مع رئيس الحكومة السيد عبد الإلاه بنكيران .
س: السيد عبد الإلاه بنكيران بدايتا ماهي الخطوط العريضة لبرنامجكم الحكومي ؟
ج: المعقول
س: وماهي الوعود التي ستقدمونها للمغاربة؟
ج: بغيت نكول لخوتي المغاربة لهلا يحشمنا
س: لماذا تنازلتم كثيرا عن اختصاصاتكم ؟
ج : احترم راسك شوي
س: لماذا قبلتم بوزرات السيادة ؟
ج: سيدي وسيدك رسول الله صلى الله عليه وسلم
س: ولماذا قبلتم بالترحال السياسي عبر عزيز أخنوش ؟
ج : تبدال السروج راحة فهمتيني ولا لا
س: لماذا توجد امرأة وحيدة في حكومتكم ؟
ج: لأن النساء ناقصات عقل ودين
وأين هو مبدأ المناصفة الذي صادقتم عليه في الدستور ؟
ج: شوف أولدي ماكانش لطلع علينا النساء كقراينكم البز
س: لكن هذا تراجع خطير وتوجه رجعي وظلامي ؟
ج: واش بغيتني نجيب النساء للحكومة وحدة مابغاتش الأذان أوحدة عطاتها لضحك مع راسها على زرنان
س: ماخفتيش تلصق بكم صفة الظلاميين؟
ج: فالظلام فين كيتخدمو لحوايج الصحاح أولدي
س: علاش قبلتو بعائلة عباس الفاسي في الحكومة ؟
ج: وعلاش ماتديهاش فراسك حسن
س: هل ستقبلون بممارسة الحريات الفردية في المغرب ؟
ج: ومتى استعبدتهم الناس وقد ولدتهم أمهاتهم أحررا
س: لكن هناك من يريد الإفطار جهرا في رمضان
ج: أولدي المغاربة كلشي ولا فيهم السكر هاعلاش كيفطروا فرمضان الله يحسن العوان
س: يعني أنكم ستقبلون بزواج المثليين؟
ج: إذا ابتليتم فاستتروا
ج : تنازلتوا بزاف أسي بنكيران ؟
ج: واش بغيتنا نحيدوا مراكش ملخارطة، كونك تفهم ىشوي فهمتني ولا ولا س: كيف ستتعاملونا مع الخمر ؟
ج: حنا بغينا المغاربة كاملين يكونوا ناشطين
س: وكيف ستتعاملون مع قضية المهرجانات؟
ج: لاتبدل ساعة زهو بشقى. ولهلا يغمها على شي مسلم
س:كيف ستتعاملون مع أمريكا وإسرائيل بعدما أرسلتم رسائل الود والغزل اتجاههم ؟
س: "لن ترضى عليكم اليهود والنصارى حتى تتبع ملتهم "
س: وكيف ستتعاملون مع الجزائر ؟
ج: اللفعة تموت بسمها
س: وماهو تصوركم للتعاطي مع قضية الصحراء وبوليساريو؟
ج : شي نتا مكلخ، كاتليك اللفعة تموت بسمها، بوليساريو خوتنا والصحراء صحرائنا
س: وكيف تفاعلتم مع ثورات الربيع العربي ؟
ج: أولدي هداك راه الخريف العربي. وحنا المغاربة مطورين عليهم
س: هل أنتم مع طرد قناة الجزيرة ؟
ج: بغيت نقول لقناة الجزيرة جيتي حتى لبلاد فليو وقاسك الرواح
س: ماهي علاقتكم مع عشرين فبراير ؟
ج: أنا داك النهار نتاع 20 فبراير كنصومو الله يقبل
س: وكيف هي علاقتك مع الهمة ؟
ج: كالك الهمة ماتباع ماتشرى
س: أنا أتكلم على فؤاد عالي الهمة ؟
ج : فكرتيني الله يفكرك بالشهادة مازال كنسالو شي براكة راني مزير بها هاته الأيام
س: قيل لي أن الملك دارو مستشار باش يقابلك ؟
ج: يقابلني كالولك غادي نولد، الحمد لله من تبهدل ولا قابلة
س: ما أريد أن أقول يعني الملك كالو يديرليك"الماركاج" ؟
ج: ونا ساهل حتى أنا دايرلو السي بها يديرلو "الماركاج" مع من راك أولدي
س: بصح السي بها راه وزير بدون حقيبة ماشي فضيحة ؟
ج: شكون لكاليك ماعندوش الكارطاب، دارو عامرة بالباليزات، سولني أنا لصاحبو
س: علاش كتهدر بزاف وفيك قوة الهدرة ؟
ج : قوة الهدرة تجيب قوة المقاعد فهمتني ولا لا ..
س: علاش مكتعرفش تصاوب الكرافاطة ؟
ج: علاش متعرفش تسد فمك ؟
س: علاش معقدك السي العثماني ؟
ج: لحقاش هو يعرف يصاوب الكرافاطة ونا لا
س: علاش كتهدر بزاف على الوالدة ديالك ؟
ج: باين فيك نتا مسخوط
س: مافهمتنيش هدرت عليها بزاف حتى بقاو يلغاولك ولد مفتاحة ؟
ج : الله يفتح لباباهم طريق جهنم، ونا ولد با كالك مايتبع مو غي الجحش
س: كيف هي علاقتك مع الملك ؟
ج: ملكنا واحد محمد السادس ملكنا واحد محمد السادس...
س: علاش استقبلك الملك فميدلت ماشي فالرباط ؟
ج: لحقاش الملك عارف عزيز علي التفاح وميدلت فيها خير مولانا نتاع التفاح
س: وعلاش سلمتلو على كتافو ؟
ج : بغيت نسخنليه كتافو لاحقاش شوحدين بردولي كتافي
س: علاش عينتي نبيل بن عبد الله وخ دار فضيحة مين بقى يخطب وهو سكران؟
ج: حتى نتا كاتزيد فيه شكون لي راه صاحي فهاد البلاد
س: علاش الوزراء ديالكم مشاو بسيارات عادية لقصر ؟
ج: بيني وبينك غي ربي ستر الرميد كان غادي يمشي فبشكليط ونا وصيت العساس يبيسهالو غي ربي ستر
س: علاش صليت في أخر الصفوف يوم صلاة الإستسقاء ؟
ج: لحقاش لخبر يجيبوه التوالا
س: علاش واعدتو المغربة 7 في المئة من النمو يعني 150 ألف منصب شغل فالسنة، وفالتالي كتكول للمعطلين ماعندي باش نواعدكم ؟
ج: كالك مفاهمة عند الحرث ولا مخاصمة عند النادر
السي بنكيران دبا نتاقلو للمعقول وبغيت أجوبة سريعة ؟
ج: علاش كبيلا كنا نهدرو فالهبال إوى غي زيد زيد طلقنا ؟
س: ماهو تصوركم لعمل وزارة الداخلية ؟
ج: كل واحد يدخل سوق راسو
س: ماهو تصوركم لعمل أجهزة المخابرات ؟
ج: كانوا مقابلنا غي حنا، ودبا غادي نقابلوا حنا وياهم لخرين، الله على راحة الله ، شحال زوينة تقابل بنادم أهو ماعايقش، كانوا مبرعين هاد صحاب المخابرات...
س: وفي الخارجية؟
ج: الله يخرجنا مدار العيب بلا عيب، والله يخرج سربيسنا على خير
س: وفي الدفاع ؟
ج : برد السوق ماقدينا على مشاكل
س: وفي العدل ؟
ج: ماديرش ماتخافش
س: وفي الوزارة بدون حقيبة؟
ج : راني كلتليك السي بها كلتليه مادير والو فلماتش قابلي غي الهمة
س: وفي الأمانة العامة للحكومة ؟
ج: واش بغيتني نخدم الفريجدان صيف وشتا الله ينعل الشيطان
س: وفي الأوقاف ؟
ج: وقف عند حدك... كلشي راه واقف
س: وفي الفلاحة؟
ج: راحنا صلينا صلاة الإستسقاء
س: وفي السياحة ؟
ج : حل عينك تشوف الزين
س: وفي الصحة ؟
ج: الله يشافي
س: وفي المالية ؟
ج: ونا مالي
س: وفي الإتصال ؟
ج: تسنى ماتقطعش
س: وفي النقل والتجهيز؟
ج: الله يوصلنا ويوصلكم على خير
س: وفي التضامن ؟
ج: والله ويخاطاك جيبك أولدي
س: وفي الأسرة ؟
ج: لمربي من عند ربي
س: وفي التشغيل ؟
ج: الله يسهل
س: وفي الإسكان ؟
ج: الله يسكنك جن أولدي
س: وفي التعليم ؟
ج : العلم نور والجهل عار
س : وفي الثقافة ؟
ج : حتى تشبع الكرش ويبدى الراس يغني ،المغاربة خصهم الخبز أولدي
س : وفي الشباب والرياضة ؟
ج: علموا أبنائكم السباحة والرماية وركوب الخيل
س: وفي الصيد البحري ؟
ج: حنا كلفنا سيدنا غي بالصيد البري
س: وفي وزارة العلاقة مع البرلمان والمجتمع المدني؟
ج: في البرلمان الله يجعل الفايقين كثر من الناعسين، ودبا الحمد للله درنالكم وزارة نتاع المجتمع المدني ولا ربي وفقني غادي نديرلكم وزارة نتاع المجتمع المكي هذا وعد الرجال فهمتني ولا لا
س: وفي الصناعة ؟
ج: حنا الحمد للله المغرب أكبر دولة في صناعة القوالب
س: وفي التجارة ؟
ج: الله يجعل الغفلة مابين البايع والشاري
س: الأستاذ عبد الإلاه بنكيران نحن على بعد أيام قليلة من انطلاق كأس إفريقيا ماهي الكلمة التي توجهها للاعبي المنتخب الوطني ؟
ج: بغيت نكولهم يتبعو السي بها كغادي يدير يقابل الهمة وكل لاعب يدير بحالو مع الخصم
س: لكن المغاربة متخوفين من التحكيم ؟
ج: من غشنا فليس منا
س: السيد بنكيران كيف ستتعاملونا مع مسألة الدعارة ؟
ج: الليشاف شي حاجة يكول الله يستر النظرة الأولى لك والثانية عليك
س: وماهو موقفكم من الحجاب ؟
ج: والله وما يطلقو عيالاتنا شعورهم والله مانطفروه فالسياحة
السيد عبد الإلاه بنكيران ثلاثة أسماء في إجابة سريعة :
عبدالله بها : كنديرو كدامي كيقرى علي الرقيا مين يتزير علي الحال
عبد العزيز أفتاتي : هداك السيد شنهار يفتتنا المارشليان مهرس
غريتس : كالولي لجمعتني لمانضة ديال الحكومة كاملة ما تلحكش المانضة نتاع غريتس ، هنا باش تعرف شكون رئيس الحكومة أنا ولاهو...
س: حقى نسيت علاش تضامنت مع الفنانة أحرار وخى عرات راسها ؟
ج: سير الله ينعل لمايحشم كالوها لولا تصحر مع البز تصبح فاطر
كان هذا حوارا إفتراضيا وهزليا يحمل الكثير الكثير من الجد والرسائل المشفرة