حِوارْ دْيَالْ زْعَاقَا مْعَ الحَاجْ مْبَارَكْ ولْد أمُّو زين

...................................................................................
حوار افتراضي خاص ب"الرأي الحار" المنشور بجريدة "الرأي الحر" وهو بالدارجة (العامية) المغربية الوجدية.
...................................................................................
1 فِينْ غْبُورَكْ الْحَاجْ مْبَارَكْ؟
شُوفْ القَرْشَا الّي شَافُولِي عنْدْهَا كَتْبَاتْلِي بْلَكْحَلْ على مْدِينَتْكُمْ، أنا غِي المطار بني درار... وبني درار المطار.
2 وخْبَارْ التنمية فينْ واصلا؟
راكْ رُوطارْ دَارُو ليهَا سْبُوعْ جْديدْ وسمّاوْهَا سُومِية وعنْدَكْ تكونْ قليلْ النية!
أحبيبي سومية رسمية وشِيفُورهَا فَ الطّيفُورْ والمشاريع هَا الشارعْ، عامرْ قَصْديرْ وزدْنَاهُمْ البَنْديرْ وبَارْدِيَا أحفير.. وفي خاطر الفاطورا!
الزّغْرُتَاتْ الّى يطيْحُو الميلْ..
3 يو يو يو يو إوَا والتنمية ( عفوا) سومية؟
سومية دَارَتْ الكَاطْ كاطْ، وسَكْنَاتْ الفيلاّتْ وصَاحَبْنَا طَلْعَاتْلُو ف الراس وانْتَقَمْ منها بشْوَافْرِيَا..
وكُلْشِي أهّلْنَاهْ، حتّى لفْقِيهْ بوطَاكِيا زَوَّجْنَاهْ والمَسْكِينْ طْلقْنا عليه الباطَاطَا زَرْوَاطَا..
4 وعْلاشْ سَمّاوْكْ ولْدْ الموزين؟
ها نْتَا تْشُوفْ، لِيحْضِييَايْ نْتَاعْ غْرَابَا فين يوْصلْ..حَسْدُونِي حتَّى ف الزّيَاخَا قُدَّامْ الكَاوْرِيا.. وعْلاشْ أنا طُوكَارْ، مَاشي بُوكُوصْ، مَا نَسْتَاهَلْشْ وَلاّ حِيتْ أنَا وَلْدْ بني درار..
5 تَسْتَاهَلْ!
حتّى نْتَ تَسْتَاهَلْ سومية بَنْتْ التّومِية!
6 والقايْدا طَامُو؟!
أهَا، أنَا خَاطِينِي البُولِيتِيكْ، أنَا رَاجَلْ نْتَاعْ لَغِْريكْ!
7 وقَصّة لَبْلُوزَة؟
لَبْلُوزَة تُرَاثْ وَجْعِي ومْسَجّلْ فالكَصْعَة، وإسَتْرَاتِيجَيّتْنَا هِيَ بْلُوزَة لِكُلّ مُوَاطنة ومُوَاطِنْ، بَصّحْ مَاشِي كِيفْ كِيفْ.
وهاكْ هَاذْ المرْجُوعْ نْتَاعْ الفَنَّانْ الكبيرْ عمر الوشاش:
وهذا هو البرنامج يا وْكِيلْهُمْ:
"الحَايكْ ولَبْلُوزة لابسهمْ مُوزة
تاكُلْهَا فالعُوزة مْبَاركْ رَاها فْدَاركْ
تَلْبَسْهَا عبوزة وتَمشي لعين خرزوزة
فولة فيها كوزة وحضيها من جارك"
8 شي بعْضِينْ بْغَاوْكْ تْعاونهُمْ على شِي مَعْرِضْ نْتَاعْ السروالْ قَنْدريسي، وِاشْ تْكُولْ؟
فَكَّرتِني هذَاكْ نْسِناهْ، فالموقعْ،وحنا مستعدين بَصَّحْ على شرطْ: الْمَانْكَانْ نْجِبُوهْ منْ دْريبا ف لمْدينَا لقْديمَا، معروف وزادو عمِّي لفقيه البَرَكَا،واختصاصي فالشاي الوجعي، راكم شفتوه فدار الشيخ يوتوب؟!..و الله إتُوبْ هذا ما كان!
9 أخر سؤال: فين وصلت علاقتك مع طارزان اللي رمالك قشور البنان؟
هو طارزان ونا أمبارك، والّي قارياتو القردة شيتا حافظو سْحيتا ،والقصة وما فيها سبابها الطيابا فحمام الجاكوزي ..كتبو فالبرما السخونة بالما البارد، وحكولي ظهري طاح الوش، وحكلو ظهرو طاح بركوكش!
غادي نتْصالْحُو على شي موزة وهما يشدّوا فالكياسا ولا مولات الحمام!
10 شكرا أسي مبارك.
لا شكرا على بكرا، وراك معروض لْشي تَحْميمَة!
الله يستر، انا خاطيني كيف كيف