ماريانو راخوي: بغينا نرجعو نحتلو المغرب

 ماريانو مالك معانا؟
 ماماليش. شنو درت ليكم عاوتاني؟
 داك الحزب "ديالك شناه غير تابع المغرب" مالنا مانخافوش؟
 ماشي هاكاك، حنا فالحزب الشعبي الإسباني تابعانا الانتخابات وفاسبانيا يلا سبيني المغرب تنجح فالانتخابية هادا علاش، أنا مللي تدوز الانتخابات نوليو حنا وياكم سمن على عسل.
 ما عمرنا نكونو معاك نتا بعدا والحزب ديالك سمن على عسل، ديما غادي يكون القتال بيناتنا
 علاش امي هيرمانو؟
 أنا ماخوكش ونتا ماخوياس. خصكم تتفارقو معا المغرب سمعتيني؟
 ما نصيبوش أخويا، حنا بيكم باش بايعين وشارين فالبلاد عندنا، نتوما هوما لامبيانص اللي عطاتنا الطبيعة والجغرافيا، هاد الشي علاش خصكم تتهناو أننا غاديين نبقاو شادين فيكم، غير بلا ما تقلقو
 غاديين نتقلقو أماريانو والقلق ديالنا خايب، تعقل على عبد الكريم الخطابي؟
 ماتبقاش تذكرو قدامي راني كنشوفو فالحلامات كيخرج ليا فالمنام بقوة اللي عاودو ليا عليه شنو كان كيدير لجدوى
 إيوا راه وليداتو وحفايدو مازالين كاينين عندنا فالبلاد، نهار يزغبك الله نتا وحزبك وتبغيو تجربو واش كتبغيو اسبانيا بزاف ولا غير شوية قربو لينا.
 آجي نتا دابا صحافي محايد ولا واخذ مني موقف وكتسول فيا؟
 أنا مغربي، ومعاك نتا وحزبك بالتحديد عمرني مانكون محايد فين مابنتو قدامي نتيري. حتى نكونو نتوما عندكم شي حياد ولا كتعرفوه. يالله تلاح