أسامة عبد الرؤوف لباطمة: دويت باسم أسرتي.. والله يهدي ماخلق

تفاعل أسامة التونسي، ابن عبد الرؤوف، بشكل سريع جدا مع تدوينة الفنانة دنيا باطمة التي "قصفته" بسبب الفيديو الذي نشره أول أمس الأحد، ونفى فيه خبر وفاة والده.
وكتب أسامة "باش نوضح لكلام لي قالت باطمة، حطيت الفيديو لوقت لي دويت فيه راه واضح 15:00، وفاش دوينا فالواتساب 17:15 والفيديو تحط في اليوتوب من بعد".
وأضاف: "مسألة ديال مكتعرفنيش دويت بإسم الأسرة وعلى لفنانة لي قالوا مات..حيت ماشي حنا كاملين عايشين فدار وحدة، كاينين لي ممعاناش وصدقوا هاد لهضرة، وظنوا بلي مبغيناش نقولو توفى باش ميتخلعوش".
وأوضح في تدوينته المقتضبة: "كلامي واضح وحتى لوقت ديال لفيديو وواتساب واضح..الله اهدي ناس لي روجات هضرة مقلوبة".
صاحبة أغنية "مزيان الواعر" قالت في تدوينة مساء اليوم على "إنستغرام"، إن "هاداك ولد الفنان عبد الرؤوف احنا مكنعرفوكش بعدا هادي أول حاجه، الشعب المغربي كيعرف الفنان القدير عبد الرؤوف فقط لا غير، ثاني حاجة يوم بالغلط نزلنا عن خبر الوفاة لأنه تداولت أخبار على مواقع التواصل الاجتماعيه، وفأكثر من صفحة واحنا مكنعرفوش عائلة الفنان ماشي عيب لدرجة انك تخرج للعيب وتهاجم الفنانين".
وأضافت في التدوينة ذاتها "جيتي عندي الخاص وهضري وجاوبتك، وقلنا مكين باس وبعدها مشيتي كتهضر بطريقة غريبة على الفنانة لي منهم أنا.. نضتي أنت درتي فيها أيدين ورجلين، وكتنعت الفنانين بهادوك وهاديك، وأنا من هاد المنبر كنقول لك هداك الأخ را مكنعرفوكش كنعرفو باك والله يعطية الصحة والعمر المديد.. والموت علينا حق مكيتقلقش منها الانسان عليا انا حق وعليك وعلى كل مسلم ، والسلام عليكم".
وكانت "أم غزل" قد نشرت خبر تفيد وفاة عبد الرؤوف، قبل أن ينشر ابنه أسامة فيديو ينفي فيه ذلك، لتقوم الفنانة بسحب التدوينة.