وا الداخلية نفيك للفيديو اللي دار فالواتساب ضعيف وانتي مسؤولة على ما نقله مواطنو الريف من خروقات من الاعتقال الى تسريب الصور

وزارة الداخلية تسنات فترة عاد خرجات ببيان ضعيف كتقول فيه ما تيقوش داك الشي اللي فالواتساب ومنسوب للداخلية فيه "اخبار مشوبة بالتضليل" ودعت الى توخي الحذر. دابا ما قالو والو فهاد البيان. واش على الفيديو ديال نقل معتقلين من الريف عبر طائرة للدرك الملكي الى البيضاء. هادي ما كذبها حد لحد الان رسميا وحتى هاد البيان ما كيكذبهاش. كيقول "مشوبة بالتضليل" و"توخي الحذر". ما كالتش الداخلية "شوفو هاداك الفيديو ماشي صحيح وها اش من تاريخ كيرجع وووو".
هاد التواصل كيزيد يدين الداخلية ما كيبرأهاش.
الداخلية دابا متهمة باتهامات خطيرة من قبل محاميي المعتقلين من طرف العائلات من طرف بعض المعتقلين اللي طقلوهم. كلهم كيتحدثو على تعرضهم للعنف لامور كثيرة. وزير الداخلية يشوف فيديو ام الزفزافي وتصريحات زيان غادي يعرف شوية من هاد الشي
الداخلية هنا اللي خاصها تخرج ببيان تنفي فيه ما يتم نشره عن لسان هؤلاء. اما هاد البيان ديالها راه ضدها ماشي فصالحها
الداخلية٬ المغرب