سفيان أمرابط كريساوه الشفارة فالطاليان

الشفارة كريساو الدولي المغربي سفيان أمرابط نجم فيورنتينا الإيطالي البارح الخميس، وملي كان لاعب الماتش مع الفريق ديالو ضد بازل فدومي فينال "اليوروبا ليك" شفرو له دارو.
وكشفت وكالة الأنباء الإيطالية "أنسا"، أن سفيان أمرابط ملي سالا الماتش اللي خسروه بنتيجة 2 لواحد، ورجع للدار في وقت متأخر من الليل لقى الدنيا مرونة ومقلوبة عندو بالمنزل.
وحسب نفس المصادر، فالشفارة دخلو من الشرجم ديال الدار اللي كاينا بشي حي وسط مدينة فلورنس الإيطالية، وشفرو منها شي صاك بقيمة حوالي 1000 أورو، وراه مشى عند البوليس الإيطالي لفتح أونكيط فالواقعة.