واش ضرب لحرية التعبير؟.. الأنثربولوجي حمودي مول كتاب "الشيخ والمريد": جيت نوقع كتابي الجديد مالقيتوش وموظفين سحبوه.. ومصدر بوزارة الثقافة ل"كود": الكتاب مكانش مبرمج فالمعرض ولا فالتوقيعات

قال عبد الله حمودي، المؤرخ والأنثربولوجي المغربي، إنه تفاجأ بسحب كتابه "حضور في المكان – آراء ومواقف" من أروقة المعرض الدولي للكتاب المقام الرباط.
وحسب تصريح حمودي لموقع "لكم" فإن اللي وقع هو فاش جا لبارح السبت فالعشية باش يوقع كتابو لي كان محطوط فجناح الدار الناشرة، تفاجأ بلي مبقاش الكتاب يعني تسحب.
حمودي قال فتصريح لنفس الموقع، بلي الناشر أخبره بأن موظفين تابعين للمعرض حضروا مساء الجمعة وسحبوا جميع النسخ المعروضة من الكتاب، دون تقديم أي مبرر أو سبب.
وأوضح حمودي بلي الكتاب ديالو كيهضر على عدة قضايا سياسية وطنية ودولية، مضيفا: "الكتاب كيتبع السياسة عن كثب بحال التغيير السياسي والإصلاح ودور المال والسياسية والقضية الفلسطينية والسياسة الأمريكية .. والثقافة وكتابات علمية".
مصدر بوزارة الثقافة قال ل"كود" :"مكاينش حتى حفل توقيع لعبد الله حمودي ضمن برنامج فعاليات المعرض".
بل أكثر من ذلك، المصدر نفسه أكد بلي حتى برنامج التوقيعات اللي تعلنات فيه هاد دار الناشر (توبقال) مكاينش فيها.