ضغط رهيب دايرو جمهور الوداد للأهلي فدونور وخلعوهم قبل الفينال

دارت جماهير الوداد الرياضي استقبال قاصح للأهلي المصري خصم الفريق الأحمر فعصبة أبطال إفريقيا، قبل ما يبدا الماتش بين الفريقين بملعب مركب محمد الخامس بالدار البيضاء.
وغير طلع فريق الأهلي المصري للتيران وهي تبدا جماهير الوداد الرياضي تضغط عليه وتغوت على اللاعبين ديالو، باش تركب فيهم الخلعة والخوف وتلعب لهم على الجانب النفسي والذهني، باش يفقدوا التركيز ديالهم خصوصا وأن الماتش قرب.
لاعبين الأهلي المصري حاولو يديرو ريوسهم ما مسوقينش ولكن كايبان بلي الأجواء اللي خالقة جماهير الوداد فستاد دونور صعيبة، والوداديين ما جايينش باش يتفرجو اليوم ولا يتصورو ولكن جايين يشجعو الواك باش تربح على الأقل بواحد لزيرو ويتوج الفريق الأحمر بلقب عصبة أبطال إفريقيا للمرة الرابعة فالتاريخ ديالو.