سابقة.. وزير الصناعة شكك فمصداقية تقارير مندوبية الحليمي لي فضحات ضعف مردودية الصناعة فالمغرب وارتفاع البطالة فيها: 10 سنين وهي كتعاود نفس الهضرة ويلا تبعناها غانوقفو كولشي

وجه رياض مزور، وزير الصناعة والتجارة، انتقادات لاذعة للمندوبية السامية للتخطيط، مشككا في مصداقية أرقامها، خصوصا بعد تقريرها الأخيرة حول تراجع الصناعة بالمغرب.
وهاجم مزور، مساء اليوم خلال لقاء لجنة القطاعات الإنتاجية بمجلس النواب، مندوبية التخطيط وطعن في أرقامها، بل وصفها بأنها بعيدة عن الواقع الاقتصادي .
وقال مزور: "المندوبية كتقول لينا مكاين قيمة مضافة مكايناش مناصب شغل.. وملي كنرجع كنشوف الصادرات فالصناعة فارتفاع وكنشوف مناصب شغل فCNSS تزادت"، مضيفا: "كون تبعت HCP نوقفو كاع هاد المشاريع لأنه معندهاش آثار على البلاد حسب المندوبية".
وأضاف مزور: "10 سنين وكيقولو هادشي.. مكاين أثر مكاين والو"، موضحا: "المؤسسة المستقلة في تقييم السياسات العمومية، مكتعطيتناش الأثر في عين المكان، يلا تبعنهاها غانوقفو هادشي كامل".
وزاد منتقدا مندوبية التخطيط: "هاد الآداة مكتعطيناش ما نحتاجه في تدبير القطاع. يمكن كادخل معايير أخرى".
وكشف مزور لأول مرة عن مفاوضات بينه وبين المندوب احمد الحليمي، حول طريقة إعداد التقارير، موضحا: "مكرهناش تكون عندنا مؤسسة كادير تقييم ماشي لي كتقول معندك والو لا ينطبق مع الواقع".
وتابع: "قررنا حنا نديرو تقييم ديالنا بالبرهان، قلنا هاد التقييس لي كايدار على برا مكيعطيناش هادشي ".
وأضاف: "لكن محتاج نضبر سياسات ديالي كل نهار كنخرجو إحصائيات.. الأثر باين، ملي كنمشي لطنجة والقنيطرة ومكناس والناظور، كيبان الأثر مباشرة، هادشي باين ف 370 مليار ديال الصادرات.. جا المندوب قالينا مكاينش قيمة مضافة وقالها لينا بنشعبون.. كيحسب شنو كايدخل وشنو كايخرج.. ".
وتابع: "باقين فنقاش مع المندوبية يكون تتبع عندو مصداقية.. كان اتفاق مع الحليمي وقاليا متهضرش على الصناعة ولكن هضر على المنظومات الصناعية وسولتو علاش جاوبني بلي: الوظيفة الصناعية هي واحد كيشتغل فمهنة صناعية ماشي شيفور وموزع ماخصناش نحسبوه ..".
يشار بلي مندوبية التخطيط فضحات النموذج الصناعي المغرب، وقال بلي هو نموذج محدود وفقد بالالاف فرص الشغل.
مندوبية التخطيط كتقول بلي كاين: "تراجع مبكر عن التصنيع، هادشي كيطرح التساؤل حول دور الصناعة التحويلية في خلق فرص الشغل ودورها كرافعة للنمو المستدام. حيث تعكس بيانات العمالة أعراض تراجع قطاع الصناعة من خلال حصته المنخفضة من إجمالي العمالة والمقدرة ب11٪، وحصته في القيمة المضافة البالغة 22٪. بالإضافة إلى ذلك، يؤدي الاندماج المحدود للأنشطة التصنيعية في النسيج الإنتاجي المحلي واعتمادها الكبير على المدخلات المستوردة إلى إضعاف روابطها بين القطاعات مما يسهم في تقليل كثافتها من العمالة والحد من آثارها المضاعفة".