"إل اسبانيول": إعادة العمل بنظام الجمارك التجارية ف سبتة ومليلية غادي يتأجل إلى 2024

قالت جريدة "إل اسبانيول"، أن إعادة العمل بنظام الجمارك التجارية ف معبري سبتة ومليلية مع المغرب، غادي يعرف طريقو للتأجيل حتى العام الجاي 2024، واخا كاين التزام من حكومة الاشتراكي، بيدرو سانشيث، كما وقع الاتفاق على هاد النقطة ف خارطة الطريق ديال قمة أبريل 2022 بين الملك محمد السادس ورئيس الحكومة الإسبانية.
وف جوان الفايت، قالت تقارير إسبانية، أن المراسلات بين اسبانيا والمغرب كتعطي انطباع أن إعادة فتح الجمارك التجارية بين المغرب وسبتة ومليلية "غير مؤكد"، بسباب التأخر المسجل بين السلطات المغربية والإسبانية على الاختبارات الأخيرة ديال هاد السيستم.
وعلى حساب هاد التقارير ، تجاهلت الرباط إعطاء تواريخ محددة للمضي قدما ف مراحل الاختبار التجريبي والتوصل إلى حلول للمشاكل التقنية، واخا طالب وزير الخارجية الإسباني، خوسيه مانويل ألباريس، مرارًا وتكرارًا من المغرب الامتثال للاتفاق المعتمد ديال خارطة الطريق اللي تناول هاذ المسألة.