بلطجة "گرين پارك" فسطات.. البوليس شدو كلشي بمن فيهم المسير مول الجنسية الايطالية بسباب ڤيديو خلق الذعر فالساكنة وشيك ب80 مليون

بوليس سطات دارو ابحاثهم وتحرياتهم من بعد انتشار ڤيديو فيه بلطجة كيقول المصور ديال عزيز وهبي مول الجنسية الايطالية لي فينما ناض باغي يقحم الملك فمشاكلو الاستثمارية.
وقالت مصادر من دائرة التحقيق ان الفيلم مشبك شوية بحيث توصلو لمعلومات تتفيد أن هاد عزيز وهبي عاطي لشريكو شيك بقيمة 80 مليون وفلاخر طلعات فايك مكينينش الفلوس فالكونط وشعلات بيناتهم، وراه دبا 7 وصلو البوليس لي حطو تحت تدابير الحراسة النظرية بتعليمات من النيابة العامة المختصة.
المشدود لي هو ايتنجار مشدود فملف اخر ديال ودادية بدر السكنية ومحكوم بالحبس فيه، دار وكالة لواحد صاحبو هو لي جاب البلطجية ديالو وجاو هرسو ودگدگو ذاك الشي نهار السبت لي فات.
الامر الثاني كتقول مصادر "گود" اسباب اعتقال هاد الايطالي الجنسية كيرجع الي قيمة الشيك لي عاطي جيرون للمشدود و للڤيديو لي بث الرعب فنفوس الساكنة المهم البوليس راهم قرقبو على كلشي وغادا تبدا لونكيط والمجلس الجماعي ديال سطات بقيادة الثانوي خصو ينوض يجمع الوقفة ويسترجع الملك ديال هاد الجماعة لي تخرب ويساليو هاد الفيلم كامل لي من شحال هادي وهو منوض روينة.