قبل ساعات من القرعة.. واش غيعيط الكاف للرجاء يشاركو فالسوبر ليك بلاصة بيتور أتليتيكو الأنكولي الموقوف لعامين؟

كشفت تقارير اعلامية مصرية أن الاتحاد الافريقي لكرة القدم ما عندو حتى شي نية يعوض فريق بيترو اتليتيكو الأنكولي اللي توقف من طرف اتحاد بلادو عن ممارسة الكرة لعامين، بشي فريق آخر فالسوبر ليك الافريقي، والهضرة هنا على الرجاء الرياضي والزمالك المصري.
وحسب وسائل اعلام مصرية، فاستدعاء الاتحاد الافريقي لكرة القدم للرجاء الرياضي أو الزمالك المصري بلاصة بيترو اتليتيكو الأنكولي، فالنسخة الاولى من السوبر ليك الافريقي، ما كايناش.
وقرر الاتحاد الأنكولي لكرة القدم تجميد أنشطة فريق بيترو اتليتيكو لمدة 2 مواسم، مع العلم ان الفريق مع الفرق الثمانية اللي وجه لها الاتحاد الافريقي دعوة للمشاركة فالنسخة الاولى من السوبر ليك الافريقي، واللي غتسحب القرعة ديالها اليوم السبت مع 5 لعشية.