بالتصاور والفيديو.. الحياة بدات ترجع لمراكش بعد الزلزال اللي دكدكها.. وسياح ل"كود": كنبغيو لمدينة وهادشي اللي عشناه قاصح لكن المغاربة حماونا

دارت "كود" زوال اليوم الأربعاء جولة كبيرة فمراكش، وشفنا باللي الحياة بدات ترجع لهاد المدينة السياحية بعد الزلزال اللي دمر عدد من لبلايص فيها وفالنواحي ديالها.
مواطنة أجنبية التقت بيها "كود" وقالت أنه كتبغي مراكش بزاف وكتبغي الناس ديالها، مضيفة أن ناس مراكش مزيانين وأصحاب المحلات التجارية ظرفيين ومزيانين بزاف.
همواطن من الصبليون قال ل"كود" أن هادشي اللي عاشو مع مراتو قاصح بزاف، مضيفا بالقول: "لكن أنا فرحان حقاش أنا هنا مع مراتي باش نعاونو الجمعية وكانساهمو بامكانياتنا فهاد المساعدات".
من جهتها، قالت مواطنة فرنسية في تصريح ل"كود" أن هادي 3 أسابيع وهي فمراكش وكان زيارتها لمراكش فيها الحزن لكن حتى قربات تساليها، مضيفة: "غدا صباحا غادي نرجع لبلادنا مع عائلتها".
وبخصوص فين كانت وقت الزلزال. فقد أضافت المتحدثة أنها كانت وسط المدينة القديمة كتعلب كارطة مع المغاربة، قبل أن تؤكد بالقول: "صراحة لقينا مساعدة كبيرة بزاف خصوصا في الرياض اللي كنا فيه فالمدينة العتيقة".
وعادت هاد السائحة لتؤكد بالقول: "كنا في آمان لحظة الزلال وحافظو لينا الناس على سلامتنا وقالو لينا شنو انديرو وشنو منديروش وصراحة حافظو على سلامتنا وحماونا بزاف كنشكروهم بزاف".