جامعة التنس تبرعت بالفلوس لضحايا زلزال الحوز

انخرطت الجامعة الملكية المغربية للتنس فحملة التضامن لضحايا زلزال الحوز، اللي ضرب المغرب الجمعة الماضي. وسرق أرواح كثر من 2900 مغربية ومغربي وطيح كثر من 5000 مصاب، وقرر تتبرع بالفلوس.
الجامعة الملكية المغربية للتنس، خصصت مبلغ مليون درهم حطاتو فالصندوق الخاص بجمع التبرعات لضحايا زلزال الحوز، كمساهمة منها فالحد من اثار هذه الكارثة الطبيعية اللي ضربت المغرب.
وكاينة حملة تضامن كبيرة من الرياضيين والمؤسسات الرياضية بالمغرب، ضمن التكافل الشعبي اللي بدا بمجرد ما ضرب زلزال الحوز ومجموعة من الأبطال الرياضيين والأندية والجامعة الرياضية بداو كيحطو الفلوس للتخفيف من حدة الفاجعة.