واش ماكرون جاي للمغرب ؟. ها اش قالت وزيرة الخارجية دفرنسا: جاي قريب ولكن – فيديو

اليوم دارت قناة LCI الفرنسية حوار مع كاثرين كولونا، وزيرة الخارجية الفرنسية، فهاد اللقاء هضرات على بزاف دالمواضيع منهم المغرب، والبوليميك اللي ناضت على المساعدات مابعد الزلزال وعلاقة ماكرون والملك محمد السادس والمجية ديال الرئيس الفرنسي لبلادنا..
وقالت كولونا ان المسؤولين ديال البلدين هضرو غير عاد عاد على الزيارة ديال ماكرون للممغرب. واضافت الوزيرة ان الرئيس الفرنسي عندو دعوة من الصيف باش يزور الدولة المغربية، ولاشك خاصها تدار دابا.
ولكن ماحدداتش المسؤولة الحكومية الفرنسية تاريخ، قالت غير: غايمشي للمغرب فاش غانلقاو تاريخ.
وفاش سولها الصحفي، واش العلاقة بينا وبين المغرب بصح مكفسة؟ جاوبات الوزيرة وقالت: الجورنالات اللي كتكتب هادشي ماشي الحكومة المغربية، كاين فرق!
وهضرات كولونا على البوليميك اللي ناضت حول أسباب عدم قبول المغرب لمساعدات فرنسا، بعد الزلزال المدمر اللي ضرب الحوز نهاية السيمانة اللي فاتت، وعاودات اكدات: اصدار احكام على قرارات المغرب السيادية، وربطها بمواقف ديبلوماسية كان جارح للبلدين... العلاقات المغربية-الفرنسية قديمة وعريقة.
????Maroc
????️"Il y a quelque chose d'indécent à porter des jugements sur les choix faits par le Maroc et de lier ça à des considérations diplomatiques,... c'était inutile et blessant pour les deux pays", regrette la ministre des Affaires étrangères @MinColonna.
????@DariusRochebin pic.twitter.com/hN59LYXKFn
— LCI (@LCI) September 15, 2023