فأجواء زوينة.. الوداد شدو البراق من كازا لطنجة وناشطين ومركزين على الماتش

سالاو الوداد الرياضي الاستعدادات ديالهم لمواجهة فريق اتحاد طنجة، وشدو الطريق لمدينة طنجة ومنها لتطوان فين ملعوب الماتش غدا السبت ضمن الدورة 6 من البطولة.
ودارو الوداد الرياضي حصة تدريبية اليوم الجمعة فتيران بنجلون أخيرة قبل الماتش ديال غدا السبت، وبعدها مشاو تغداو وخداو البراق من كازا فوياجور لمدينة طنجة ومنها غيمشيو لمدينة طنجة، حيث الماتش ملعوب فسانية الرمل، وكان الكروب الودادي مرتاح فلاكار ديال كازا فواياجور وهو كيتسنا موعد قطار فائق السرعة TGV اللي مشاو فيه مع 5 العشية.
الاجواء داخل الوداد الرياضي قبل ماتش اتحاد طنجة زوينة بزاف والمعنويات مرتفعة بين الطاقم التقني ديال المدرب عادل رمزي واللاعبين، ومركزين على المباراة ومعولين يرجعو بالرباح وياخدو صدارة البطولة اللي بعيدة عليهم غير بنقطة.