عادل رمزي: تحكمنا فماتش طنجة ونستاهلو الرباح.. إذا لاعبين الوداد فهمو داكشي للي فراسي النتائج غيجيو ومازال عندنا الخدمة

أكد عادل رمزي مدرب الوداد الرياضي أن الفريق دار ماتش مزيان ضد اتحاد طنجة، كيستحق يربح بنتيجة 3 لزيرو ضمن الدورة 6 من البطولة الاحترافية، وأن اللاعبين يكتحسنو ومازال الخدمة.
وتحدث عادل رمزي بعد ماتش الوداد واتحاد طنجة وقال: "بدينا كنشدو الريتم ديالنا بفلسفة جديدة تطلبت الوقت باش ندخلو فالريتم وكنشوف تحسين فنيفو اللاعبين، وإذا كان فهم كبير للطريقة اللي فراسي فالنتائج غيجيو حيث عندنا الكاليتي".
وكمل مدرب الواك: "كاين تحسن كبير الماتش ديال اليوم حتى هو تحكمنا فيه وفالشوط الاول ماركبنا هدف مهم، ما كناش واقفين مزيان فالتيران ومن بعد صححنا هذا الشي ما بين الشوطين وفالدوزيام ميطا تحكمنا تاني فالماتش".
وشدد عادل رمزي: " فيكتوار غيعطينا ثقة كبيرة باش نكملو فالريتم ديالنا.. مازال العام طويل والماتشات كبار وخاصنا نكبرو ومازال بزاف د الشغل وحنا فالطريق الصحيح".