ها علاش الكاف بغا الوداد يلعبو السوبر ليك فدونور: عارض على شخصيات مهمة فماتش الواك إينييمبا فكازا

باغي الاتحاد الإفريقي لكرة القدم يستغل مشاركة الفرق الكبيرة بحال الوداد الرياضي فمسابقة السوبر ليك الإفريقي، باش يسوق الكورة الإفريقية ويعطيها صورة عالمية.
مصادر مطلعة، كشفت أن الاتحاد الإفريقي لكرة القدم أنفيتا عدد من الشخصية المهمة لحضور ماتش الوداد الرياضي وإنييمبا النيجري اللي غتلعب فستاد دونور يوم 25 أكتوبر الحالي، برسم إياب ربع نهائي السوبر ليك الإفريقي.
ومن بين هذه الشخصيات اللي عارض عليها الكاف، كاين رئيس الاتحاد الدولي لكرة القدم السويسري جياني إنفانتينو، اللي من المنتظر أنه يكون حاضر فماتش الواك وانييمبا فستاد دونور.
الاتحاد الإفريقي لكرة القدم، كان مصر على أن الوداد الرياضي يلعب الماتشات ديالو د السوبر ليك الأفريقي فستاد دونور، واخا إدارة الوداد اقترحت عليهم تيران مراكش حيث دونور غيتسد على قبل الإصلاحات، ولكن الكاف ما بغاش حيث باغي يستغل الأجواء الحماسية د التيران باش يعطي صورة زوينة على الكورة الإفريقية.