طليلة على خصوم الوداد المحتملين: مازيمبي اللي ما عندهمش تيران صالح للسوبر ليك ربحو الترجي فتنزانيا

حقق تيبي مازيمبي الكونكولي رباح مهم أمام الترجي التونسي اليوم الأحد، ضمن ذهاب ربع نهائي السوبر ليك الإفريقي.
الماتش بين مازيمبي والترجي تلعب فدار السلام بتانزانيا، وسالا لمصلحة الفريق الكونكولي بنتيجة واحد لزيزو بهدف ماركاه الشيخ فوفانا فالدقيقة 11، وبالمقابل ضيعو الترجي أهداف حقيقية، ولكن حتى حاجة ما تحسمت وحظوظ الفريقين بجوج مازال كاينة في انتظار ماتش الروتور فتونس.
واستقبلو تيبي مازيمبي الماتش مع الترجي فتنزانيا، حيث التيران ديال الفريق فالكونكو الديمقراطي ما فيهش معايير دفتر تحملات السوبر ليك الافريقي.
وغيلعب المتأهل من ربع نهائي مازيمبي والترجي مع المتأهل من ربع نهائي الوداد الرياضي وانييمبا النيجيري، فالدومي فينال.