ما كايناش الراحة.. الوداد جايين من نيجيريا معولين على الخدمة ومحمرين فدومي فينال السوبر ليك

غيمشيو الوداد الرياضي مباشرة للتداريب ملي غيوصلو اليوم الاثنين إلى المغرب جايين من نيجيريا، باش يوجدو لماتش روتور ربع نهائي السوبر ليك الإفريقي ضد إنييمبا.
ومن المنتظر توصل بعثة الوداد الرياضي من نيجيريا إلى المغرب فطيارة طاليانية خاصة إلى المغرب وتنزل فمطار محمد الخامس بالدار البيضاء، ومن تما غيمشي الفريق لمركب بنجلون باش يدير حصة تدريبية غيخصصها المدرب عادل رمزي والطاقم ديالو لإزالة عيا السفر وماتش البارح من اللاعبين.
الوداد الرياضي غتكون عندهم حصة تدريبية أخيرة غدا الثلاثاء، قبل الماتش روتور السوبر ليك مع إنييمبا اللي غيكون الاربعاء الجاي، وغيبغيو الواك يزكيو رباحهم فالآلي برباح فالروتور ويضمنو التأهل إلى دومي فينال المسابقة.