الوداد خرجو رابحين إنييمبا فالشوط الأول وحاطين رجلهم اللولى فدومي فينال السوبر ليك

حطو الوداد الرياضي الرجل ديالهم الأولى فدومي فينال السوبر ليك الأفريقي، بعدما خرجو رابحين الشوط الاول من ماتش الفريق ضد انييمبا النيجيري اليوم الاربعاء فستاد دونور، ضمن اياب ربع النهائي.
وسالا الشوط الاول من ماتش الوداد الرياضي وانييمبا النيجيري لمصلحة الفريق الاحمر، بنتيجة 3 لزيرو، ماركا الاول الظهير الايمن أيوب العملود فالدقيقة 4 وملي ماركا مشى هز التوني ديال صاحبو فالفريق أسامة فلوح اللي كومة حتى لدابا ملي دارك كسيدة 2 سيمانات دابا، وزاد جمال حركاس الهدف الثاني وبعدو يحيى عطية الله الهدف الثالث ملي قرب الشوط الاول، وعرفت الجولة الاول تحكم الوداد فجميع المجريات ديالها.
ومن المنتظر يدخل الوداد الرياضي فالشوط الثاني باش يزيد اهداف اخرى فهاد المواجهة ويضمن التأهل إلى دومي فينال السوبر ليك الأفريقي اللي صبح قريب حتى لدابا بحكم نتيجة الذهاب والاياب.