المصري سيد عبد الحفيظ اللي طيح سنانو فالكورة: الاستقرار الاداري اللي خالق سعيد الناصيري فالوداد هو اللي مساهم فسيطرة النادي إفريقيا

أكد سيد عبد الحفيظ نجم الكورة المصرية السابق والمسؤول السابق فالأهلي المصري أن ادارة سعيد الناصيري عندها دور كبير فالألقاب اللي ربح الفريق وان الاستقرار الإداري فالنادي ساهم فسيطرة الواك افريقيا.
وتحدث سيد عبد الحفيظ اللي خدام محلل فقناة ابوظبي الرياضية لماتش السوبر ليك، وقال: "الاستقرار الإداري اللي عايشو الوداد من تقريبا 2016 حتى لدابا هو استقرار رائع".
ووضح سيد عبد الحفيظ مدير الكورة السابق بالأهلي المصري: "الوداد عام 2016 وصل للدومي فينال ديال عصبة أبطال إفريقيا، واخا كان بعيد بزاف على هاد الدور قبل من هاد العام وراه قبل من 2016 الوداد كان بعيد جدا على المستويات الأفريقية، ولكن 2016 وصل للدومي فينال وخرج على يد الزمالك واخا راه ربح 5 لجوج فتيرانو فالروتور وتخايل معايا فريق رابح 5 لجوج فالأرض ديالو وتقصى من المسابقة".
وكمل سيد عبد الحفيظ: " الواك فعام 2017 قدر يربح عصبة ابطال أفريقيا وبعدها بقى الوداد مستمر فالتواجد فعصبة ابطال أفريقيا بشكل كبير، إذا الواك عندو استقرار إداري كبير كيتحسب للوداد والجمهور ديالو".