الأشبال: باغيين نربحو مالي فالمونديال كيفما فزنا عليهم فكوب دافريك ونزيدو نشرفو المغرب والمغاربة

عبرو لاعبين المنتخب الوطني المغربي لأقل من 17 عام، على الرغبة ديالهم القوية باش يربحو منتخب مالي فربع نهائي مونديالU17، ويشرفو الجمهور المغربي ويواصلو كتابة التاريخ بالتأهل للدومي فينال.
وتحدث حمزة كوتون لاعب المنتخب المغربي لأقل من 17 عام خلال الحصة التدريبية ديال ليكيب ناسيونال اليوم الخميس، وقال فتصريح للموقع الرسمي ديال الجامعة الملكية المغربية: "حققنا التارخي كأول منتخب U17 مغربي كيتأهل لربع نهائي المونديال ودابا غنلعبو ضد منتخب مالي اللي سبق لنا لعبنا معه فدومي فينال كوب دافريك وهو خصم متعرفوه وكنوجدو مزيان لهاد المباراة اللي ما غتكونش ساهلة وباغيين نشرفو المنتخب المغربي وكنشكرو الجمهور المغربي اللي مساندنا وغنديرو مجهودنا كامل باش نشرفو درابو لبلاد".
أجليد حمزة لاعب المنتخب المغربي حتى هو قال: "الماتش غيكون صعيب وخاصنا تاخدو هذه المباراة بجدية ونديرو جهدنا باش نربحوهم كيفما ربحناهم فدومي فينال كوب دافريك ونزيدو ندخلو للتاريخ".