بزناس مغربي حمق بوليس الطاليان. صيفطوه روفولي للمغرب ومن بعد فترة عاود حرگ باش يروج الحركة قبل ما يتشد عاوتاني ويترحل

قالت مواقع إخبارية طاليانية، أن بزناس كيحمل الجنسية المغربية و ف عمرو 43 عام غادي يترحل للمغرب، من بعد حكم صدر ف 28 نونبر الحالي، حيث أمر مفوض شرطة مونزا وبريانزا بالمرافقة الفورية للمعني بالأمر إلى المطار من أجل إعادته النهائية إلى المغرب.
وتنتظر الشرطة الإيطالية التصديق على قرار الترحيل من طرف قاضي بمحكمة مونزا والإفراج عن جواز المرور من قبل القنصلية المغربية في ميلانو، حيث من المرتقب باش يترحل من مطار مالبينسا، على متن رحلة ديال "لارم" متوجهة لكازا.
هاد البزناس ماشي أول مرة يتشد ويترحل للمغرب، سبق ليه دوز مجموعة من العقوبات الحبسية ف الحباسات ديال الطاليان بسبب ارتكابه جرائم كتتعلق بالاتجار في المواد المخدرة، ومقاومة موظف عمومي والتهديد. وف 2016، تحكم ب8 أشهر مع منعه من دخول البلاد لمدة 5 سنين مع الترحيل، لكن صاحبنا قدر يحرگ باش يروج الحركة قبل ما يتشد عاوتاني ويرحلوه..