حضر ليها عدد قليل وما تسوق ليها حد.. فشل ذريع لجمعية داعمة للبوليساريو دارت وقفة ضد سانشيث نهار عيد الميلاد

Elouali.zaz.1987@gmail.com
نظمات جمعية داعمة لجبهة البوليساريو فجزر البليار وقفة باش طالب رئيس الحكومة الإسبانية، بيدرو سانشيث، يتراجع على موقفو الداعم لمغربية الصحرا.
الوقفة اللي حضرها عدد قليل من الموالين لجبهة البوليساريو تزامنت مع عيد الميلاد وحاولو يستاغلوه باش يطلبو من سانشيث ما يدعمش المغرب، ووصفوه بالخيانة.
الموالين للبوليساريو اللي حضرو الوقفة حاولو يقدمو المنطقة على أساس أنها تعيش "حالة حرب"، وعلى أن المغرب كان مسؤول على انتهاك اتفاق وقف إطلاق النار، فالوقت اللي الوفود الأجنبية والدولية كتنظم زيارات للمنطقة والمغرب ماضي فتنمية أقاليمو الجنوبية.
الوقفة كانت فاشلة بكل المقاييس لأن الحضور فيها كان على رؤوس الأصابع، بالإضافة لكونها فالأصل بدون جدوى بحكم الموقف الإسباني الثابت من دعم مبادرة الحكم الذاتي وهو الشيء اللي أكدوا وزير الشؤون الخارجية الإسبانية، خوسيه مانويل الباريس فزيارتو للمغرب قبل أيام.