آشنو هو موقف مرشحة الحزب الإشتراكي العمالي الإسباني لي ربحات رئاسة البرلمان من نزاع الصحرا ودعم مدريد للحكم الذاتي

Elouali.zaz.1987@gmail.com
اليوم الخميس ربحات فرانسينا أرمنگول مرشحة الحزب الإشتراكي العمالي الإسباني بقيادة بيدرو سانشيث، رئاسة البرلمان الإسباني، من بعد دعم الحزب الكتالاني "خونتس"، الشي لي عطا إشارة واضحة أن بيدرو سانشيث غادي يشكل الحكومة الإسبانية المقبلة.
حتى لهنا الأمور غادية مزيانة عند بيدرو سانشيث وحتى عند المغرب لي غادي يضمن من بعد تشكيل سانشيث للحكومة الإسبانية نفس الموقف من نزاع الصحراء ودعم إسبانيا للحكم الذاتي كيف جا من بعد الزيارة لي دار للمغرب والاتفاقيات لي وقعاتها الرباط ومدريد.
ولكن هاد فرانسينا أرمنگول الرئيسة ديال البرلمان الإسباني لي هي من حزب "بسوي" ديال بيدرو سانشيث شنو هو موقفها من نزاع الصحرا ومن دعم حكومة سانشيث لمبادرة الحكم الذاتي كأساس وحيد لتسوية ملف الصحرا ؟
هاد فرانسينا أرمنگول كانت تشغل رئيسة حكومة ديال جزر البليار، وكانت أيضا من الجناح لي معارض لبيدرو سانشيث وموقفو من نزاع الصحرا، بحيث سبق ليها التعبير علانية وعدة مرات عن رفضها لقرار حكومة بيدرو سانشيث القاضي بدعم مبادرة الحكم الذاتي وتغيير إسبانيا لموقفها من نزاع الصحرا.
ومن بين هاد التصريحات العلنية لي نقلاتها وسائل إعلام إسبانية ديال فرانسينا أرمنگول هاديك لي كانت فمارس 2022، أنها طالبت بإحترام حقوق الإنسان فالصحرا، مضيفة أن " الشعب الصحراوي يستحق أن يعيش بسلام وحرية ".
وفتصريحات اخرى قالت "موقفي معروف للجميع" ، وقالت أنها تدعم "حقوق الشعب الصحراوي"، وبالإضافة لهادشي كانت وقعات على عريضة سابقة ضد قرار حكومة بيدرو سانشيث مع شي نواب اشتراكيين رافضين دعمو لمبادرة الحكم الذاتي.
التصريحات والمواقف فالسياسة بصفة عامة رهينة بالمناصب والصبليون معروفة بهادشي، وواخا دعمات البوليساريو،و ولكن ممكن أيضا أنها تتماشى مع موقف حكومة بيدرو سانشيث من الصحرا وهادشي كيحتاج منها ذكاء ووقت.