عطاف باغي يغطي الشمس بغربال.. الحكم الذاتي اللي جاب المغرب غادي غير يطول أمد النزاع

Elouali.zaz.1987@gmail.com
خصص وزير الشؤون الخارجية الجزائرية، أحمد عطاف، حوارو مع خديجة بن قنة، لمهاجمة المملكة المغربية وتبخيس مبادرة الحكم الذاتي اللي قدمها المغرب كحل سياسي لمبادرة الحكم الذاتي سنة 2007.
وقال احمد عطاف فتصريحاتو، أن المغرب قدم مبادرة الحكم الذاتي ف 2007 كحل لنزاع الصحراء، مضيفا أن المبادرة دازت عليها 16 سنة "بدون ما تخصص لها لا دقيقة ولا ثانية للدراسة على المستوى الدولي"، مضيفا أن أول سؤال يوجهه لزملائه الدبلوماسيين من الذين يدعمون المبادرة هو: "هل اطلعتم عليها ؟"، معتبرا أن مبادرة الحكم الذاتي الهدف منها هو "إطالة أمد النزاع، وأن الاستثمارات اللي كيدير فالصحرا بلا نتيجة على المستوى السياسي.
الهدرة ديال عطاف هي هدرة ديال منظومة كلها باغية تغطي الشمس بغربال. وجوابها عند بحال دول الولايات المتحدة الأمريكية وإسبانيا ودول أخرى اللي داعمة مبادرة الحكم الذاتي ومغربية الصحرا وكتعتابرها جادة وعندها مصداقية، وبالإضافة لهادشي كاينة فقرات فتقارير الأمين العام للأمم المتحدة وفقرارات مجلس الأمن الدولي السابقة حول النزاع واللي كتقول بأن مجلس الأمن مطلع وأخذ علما بالمبادرات اللي تقدمات منذ 2006 وهاد الإشارة واضحة لمبادرة الحكم الذاتي اللي جات سنة 2007.