رئيس سييراليون اللي معتارفة بمغربية الصحرا وخدات تاهي العضوية غير الدائمة لمجلس الأمن مشا للجزائر وتلاقى تبون

Elouali.zaz.1987@gmail.com
استقبل الرئيس الجزائري، عبد المجيد تبون، اليوم الأربعاء، الرئيس السييراليوني، جوليس مادا بيو، الذي يقوم بزيارة رسمية للجزائر تدوم ثلاثة أيام.
الرئيسان هدرو على العلاقات الثنائية بين البلدين والسبل الكفيلة بتعزيزها، بالإضافة لبحث التعاون فالمجالات التجارية والإقتصادية والطاقية باش يعطيو علاقاهم شوية ديال الدينامية.
هاد الزيارة ديال الرئيس السييراليوني للجزائر كتجي مباشرة ما خداو بجوج العضوية غير الدائمة لمجلس الأمن الدولي ابتداءً من البارح الثلاثاء، وعلى ما يبدو أن تزامن الزيارة مع هاد الحدث عندو أهداف.
هاد الزيارة غادي تحاول فيها الجزائر بشكل حثيث إستمالة سييراليون اللي معتارفة بمغربية الصحرا وفتحات قنصلية فالداخلة فشهر غشت 2021 وتوجيهها للتخفيف من مواقفها الداعمة لمغربية الصحرا، وهو الشيء اللي كيشوفو نظام العسكر مستحيل ولكن يستاحق المحاولة.
فالأشهر الجاية ممكن نشوفو وزراء خارجية دول أعضاء فمجلس الأمن الدولي سواء اللي عندها العضوية الدائمة ولا اللي عندها عضوية غير دائمة يزورو الجزائر، وهاد الزيارات غادي تكون تحت غطاء تقوية العلاقات الثنائية بالإضافة للوضع في غزة، باش يدوزو لنزاع الصحرا.