المنتخب المغربي كيزيد فريتم الاستعدادات فالكوت ديفوار قبل كوب دافريك

كيواصل المنتخب الوطني المغربي الاستعدادات ديالو لكوب دافريك 2023 فالكوت ديفوار، وهي المسابقة اللي غتبدا يوم 13 يناير 2024 وغتسالي يوم 11 فبراير 2024.
ودار المنتخب الوطني المغربي اليوم الثلاثاء، ثاني حصة تدريبة له فالكوت ديفوار اللي وصلها الاحد الماضي، وبالضبط فتيران التداريب ديالو فمدينة سان بيدرو فين غيلعب ماتشات الكروب 6.
وشاركو فالحصة التدريبة جميع اللاعبين اللي سافرو مع بعثة المنتخب المغربي إلى الكوت ديفوار، في انتظار التحاق كل من نصير مزراوي المصاب، وامين عدلي اللي ماتت له ماماه.
وخدام الناخب الوطني وليد الركراكي والطاقم التقني ديالو مع لاعبين المنتخب المغربي، باش يرفعو لهم من لافريشور فيزيك من خلال تداريب مكثفة وشاقة، وايضا خدامين على الحاني التكتيكي استعداد لانطلاق المنافسات.