تبييض الاموال.. شركة "وانا" كتطالب كريم الزاز ب100 مليون درهم

شركة "وانا" المعروفة دابا ب"اينوي" كتطالب كريم الزاز، المدير العام السابق ديالها، ب100 مليون درهم
وكانت المحكمة الابتدائية الزجرية بعين السبع، أدانت كريم الزاز في أبريل 2015، بخمس سنين دالحبس وغرامات مالية للمحكمة ولمكتب الصرف، ووزعات أحكاما سجنية بين 5 سنين وعامين فحق ال11 المتابعين.
الزاز واللي معه كانو اتابعو بتهم كتتعلق ب"تزوير محررات تجارية واستعمالها، وصنع عن علم وثيقة تتضمن معلومات غير صحيحة واستعمالها، وعرقلة نظام معالحة آليات للمعطيات، وتزييف وثائق معلوماتية، وإحداث واستغلال شبكة اتصالات دون إذن، واختلاس خطوط المواصلات، وعدم التصريح لدى مكتب الصرف داخل الأجل المحدد بعقود الخدمات المبرمة مع الشركات الأجنبية والمشاركة فيها، والتسبيق غير القانوني لأموال من طرف أشخاص مقيمين فالمغرب إلى أشخاص غير مقيمين والمشاركة فيها بصفة شخصية، وبصفة مسيري مجموعة الشركات".