ناصر بوريطة وزير الخارجية والتعاون داير ندوة صحافية دابا مع وزير خارجية فرنسا الجديد ستيفان سيجورني بمقر وزارة الخارجية. ندوة بحال ديما ندواتو كلها فايك. علاش؟ حقاش السي بوريطة اللي كيبان لعدد من لمغاربة حافظ ملفاتو عارف قبل الاسئلة. فندوة بحال هادي كيكون عارف السؤال وفحالات كثيرة غيكون هو للي اوحى بيه او مع شي وحدين هو اللي وجدو. بوريطة عارف راسو كيحصل فاسئلة من الصحافيين٬ ايلى تابعتوه غادي يبان ليكم شكون كيطرح الاسئلة. هادا هو بوريطة. كلشي موجدو باش يبان واعر واخا هو وزير ضعيف فالتواصل مقارنة مع للي سبقوه. الوزير الوحيد فالسنوات الاخيرة اللي كيعرض عليك جواب ماشي يعطيك جواب. كلشي تقني كلشي تقنوقراطي. دابا هاد الندوات ديالو ما صالحين لوالو مادام كيسول وكيجاوب فنفس الوقت
