المغاربة حاكمينها فأوروبا ومازال: صيباري حتى هو ربح بطولة هولندا مع إيندهوفن

ربح الدولي المغربي إسماعيل صيباري بطولة هولندا مع إيندهوفن الهولندي، بعدما ربحو اليوم الاحد فريق سبارتاك روتردام فالدورة 32.
وسالا الماتش بين إيندهوفن وسبارتاك روتردام بنتيجة 4 لجوج لمصلحة صيباري وصحابو، مع العلم أن اللاعب المغربي شارك فهاد الماتش احتياطي ودخل فالشوط الثاني.
وكيتعتبر اسماعيل صيباري من المواهب اللي كلشي كيتسنا منها بزاف فالأعوام الجايا، سوا فأوروبا أو مع المنتخب الوطني المغربي، واخا تأثر بالإصابة فهاد الموسم.
وبهذا وصل عدد المحترفين المغاربة اللي ربحو ألقاب البطولة الأوروبية هذا الموسم إلى 4 اسماعيل صيباري ربح ديال هولندا مع ايندهوفن، وبراهيم دياز ربح مع ريال مدريد لاليگا وأرشف حكيمي ربح مع PSG بطولة فرنسا، وامين عدلي ربح مع ليفركوزن بطولة المانيا.
تتويج اللاعبين المغاربة اللي أكدو بلاصة اللاعب المغربي فأوروبا، ترتفع هذا الموسم، حيث كاين ابراهيم دياز مع ريال مدريد الإسباني، ونصير مزراوي مع بايرن ميونخ الألماني، وأشرف حكيمي مع PSG الفرنسي فدومي فينال دوري أبطال أوروبا، وأمين حارث مع ليفركوزن الألماني، وعز الدين أوناحي وأمين حارث مع مارسيليا الفرنسي فاليوروبا ليگ، وأيوب الكعبي ويوسف العربي مع أولمبياكوس اليوناني فالكونفيرونس ليگ.