مبابي غادي بحالو كيفما كان مصير PSG فالشومبيونزليگ وريال مدريد وجدو له ال10

غايمشي النجم الفرنسي كيليان مبابي يلعب مع ريال مدريد الإسباني ابتداء من الصيف الجاي، كيفما كان المصير ديالو مع باريس سان جرمان الفرنسي فدوري أبطال أوروبا هذا الموسم، سوا ربحو الكاس او خسروه.
وكشفت جريدة Le Parisien الفرنسية، أن كيليان مبابي حسم المستقبل ديالو، وأن الوجهة ديالو الجايا هي ريال مدريد الإسباني، وهذا الشي كيفما بغات تكون نتيجة PSG الفرنسي فدوري ابطال اوروبا. واخا يتأهلو للفينال، وأن كلشي فالفريق الفرنسي ميكين وما كيهضروش فهادشي حيث عارفين مبابي غادي بحالو مع نهاية هذا الموسم.
وزاد نفس المصدر، ووضح أن ريال مدريد موجدين لكيليان مبابي بلاصتو، وأنه غايلبس التوني رقم 10 اللي كيلبوس دابا النجم الكرواتي لوكا مودريتش اللي قريب يعتزل.
كيليان مبابي مع باريس سان جرمان لاعبين فما تبقى من هذا الموسم على دوري ابطال أوروبا، وعندهم ماتش مصيري اليوم الثلاثاء ضد بروسيا دورتموند الالماني فروتور الدومي فينال، وخاصهم يربحو بنتيجة 2 لزيرو على الاقل باش يتجاوزو خسارة لالي ويتكاليفاو للشومبيونزليگ اللي باغيين يربحوها لاول مرة فتاريخم.