فضيحة اخرى بطلها حميد برادة. بعد فضيحة "تحالف لفاسة واستضافته لياسمينة بادو. يقدم برنامجه ويستضيف رئيسه في العمل باش يهاجم الامير هشام في قناة يتقاضى منها 50 الف درهما للشهر

حميد برادة ما باغيش يحشم فكل جلسة وكل مناسبة كيعطي للصحافيين، وهو كل حلقة في برنامجه "مي انكور" على "دوزيم" يستضيف عائلته الفاسية او المهنية.
بعد فضيحة ياسمينة بادو اللي جابها باش دافع على راسها وبين برادة بانه يدافع عن فاسة قبل المهنة، استضاف في اخر حلقة رئيسه في العمل رئيس تحرير "جون افريك" فرانسوا سودان. ماشي فضيحة حقاش سودان كيعرف المغرب بزاف ولمغاربة كيعرفوه والناس المسؤولين عندنا كيعرفو قيمتو المهنية /بالمفهوم السلبي طبعا/ مزيان، لكن حقاش جا باش يسب الامير هشام وكتابه الاخير "امير منبوذ".
السيد اللي قدمو مرؤوسه في العمل على انه من اهم المتخصصين في المغرب، باش بداو يهدرو على الامير قال "اوف" وردد ما قاله ورغب فيه المغرب "لكتاب ما فيه حتى جديد" و"السيد ماشي منبوذ فالمغرب" و"لكتاب بحالو بحال "المغرب الاسلامي" و"اخر الملوك" وما فيه "حتى حاجة زوينة" والامير ما كاين فيه لا مشروع سياسي ولا شخصي
حشومة على "دوزيم" تعطي لواحد 50 الف درهما على برنامج ولى دايرو غير لصحابو ولقبيلتو من فاسة
رابط الحلقة