انفراد. هادو اكبر الخاسرين من الغاء كأس افريقيا للامم بالمغرب. 45 مليار للسياحة و3 المليار طارت لشركة التنظيم و100 مليار ضاعت على وسائل الاعلام والدولة خسرات 65مليار تقريبا لحد الان

باش نفهمو علاش هاد الصداع كلو اللي دار على قبل قرار المغرب تأجيل كأس افريقيا وتبعات هذا التأجيل، خاصكم تعرفو لفلوس للي غادي طير لشركات ومؤسسات ودولة وو.. حسب تقديرات الدولة المغربية فان كلفة تنظيم كأس افريقيا سيكلف المغرب 140 مليون دولار. حسب مصادر من وزارة الشبيبة والرياضة ل"كود" انفقت الدولة المغربية لحد الان 70 مليون دولار، اي ما يعادل 65 مليار فيها كلشي خاصة البنية التحتية من اعداد الملاعب والمستشفيات و…. كي تكون جاهزة لاحتضان كأس افريقيا للامم.
مقابل هذا الانفاق كانت وزارة السياحة حسب تقديرات حددت سلفا تتوقع عائدات من هذه الكأس ب45 مليار سنتيم فيها النقل الجوي والارضي والاقامة من فنادق واقامات سياحية وكراء الشقق وما الى ذلك. كان جمهور الجزائر اول وفد سياحي سيزور المغرب وذهبت توقعات الى امكانية دخول اكثر من 100 الف جزائري طيلة المنافسة. يعني ان الدولة خاسرة فالتأجيل، مشاو ليها بزافت لفلوس.
هادو الدولة اللي غادين ينفقوه واللي غادين يدخلوه من هاد الكاس اراو نشوفو شكون مستفد منها: اول المستفيذين كاين شركات التنظيم. شركة "كابيتال ايفانت" لعادل الازرق كانت فازت بصفقة الافتتاح والاختتام ب3 مليار، فيما ميزانية التواصل حددت في 5 مليون درهما وفازت بها شركة رباطية. لكن اكبر الخاسرين هي وسائل الاعلام بكل اصنافها خاصة التلفزيون والاذاعات، فحسب مدير واحدة من الشركات الكبرى التي كانت تعول على الكأس الافريقية لتسويق منتوجاتها فان هناك 10 شركات كبرى كانت ستنفق كل واحدة على عملية التسويق 7 مليون درهما ينضاف الى ذلك شركات صغرى ليصل حجم ما كان سينفق على الاعلام 100 مليار.
ارقام تكشف شكون الرابح وشكون الخاسر فهاد الكاس وها علاش كان الصداع وشي وحدين همهم لملاير وما مسوقينش للمغاربة يموتو ولا يمرضو