مالهم مع الصحافي علي لمرابط؟ مشى يطلب شهادة السكنى دخل لمقدم عند الوالد ديالو وخلعو

—
الصحافي المغربي علي لمرابط حاگرين عليه. اليوم مشى فالصباح، كما حكى ل"كود"، يجيب شهادة السكنى على دار الواليد ديالو فتطوان اللي ساكن فيها من نهار تزاد، گالو ليه اللا انت ساكن فالمدينة لقديمة. السيد شرح ليهم ان ديك الدار تاع الزوجة ديالو وهو ما ساكنش فيها.
بعد اخد ورد جاب صديقو المحامي والحقوقي ودخل عند القايد الخمليشي قائد المقاطعة الموجودة قرب المحكمة الابتدائية، سولهم علاش ما بغاوش يعطيوه شهادة السكنى جاوبوه. لمرابط اعتقد ان القضية سالات. دخل لدارو واكتشف ان لمقدم جا للدار وخلع الواليد ديالو اللي عندو 98 سنة باش يسول عليه "خلعو لي الواليد وهجم عليه لمقدم" يشرح لمرابط ل"كود".
لمرابط استغرب هاد التصرف وتساءل عن مبررات استهدافو