وهاد المغني الشعبي كيحرض ويهدد نبيل عيوش ولبنى ابيضار. عادل الميلودي في اغنيته الاخيرة "لبني ابيضار راكي فخطار وغادية تشوفي اليوم" و"نبيل عيوش عيشدوه ويبان فيك الزين" ووصف مساندي بنات انزكان بالحمير =فيديو الاغنية المحرضة على العنف=

البارح المغني الشعبي عادل الميلودي اللي كان ضارب مع الداودي باش يتشهر ويتعرف لاح فاليوتوب اغنية "كيفاش هوما ماهضروش". الاغنية فيها تحريض صريح علي العنف خاصة طاقم فيلم "الزين اللي فيك" لنبيل عيوش. المقطع هدد بصراحة لبنى ابيضار "نتيا لبنى أبيضار. راكي ليوم في خاطار. صيتك داع من دار لدار. وغادا تشوفي غير الويل" مخرج الفيلم حتى هو نال نصيبه "نبيل عيشوش غيشدوه. ويبان الزين لي فيه. "حنا دولة اسلامية".
مع التهديد والوعيد المغني الشعبي كان كيقدم صورتهم. تحريض وزايدو بالصور.
مقطع اخر هذه المرة لجآ فيه الميلودي الى السب اللي من سامو. حين قال "الرجال لبسو الصايات. ودخلو فصفوف لعيالات. زادوها بالاحتجاجات. ولاو عندهم الودنين". مع وضع صور من احتجاجات المجتمع المدني ضد اعتقال فتيات لقاوهم لابسين صايات فانزكان. هؤلاء الرجال المدافعين عن الحريات الفردية بالمجتمع بالنسبة لعبقري زمانه عادل الميلودي عندهم جوج ودنين ودار صورة لحمار.
الاغنية خليط عجيب بالمواضيع تكلم على السيمو وربيكا وعلى فار مسجد الحسن الثاني وعن اغتصاب المعاقة والتلفزيون واحتجاجات الصايات واعتبرها "قلة لحيا والدين". نصيحة من احد اشهر مغني الكاباريهات