تويت العار ديال مول فضيحة "اودي" بلخياط على لالاه نبيلة منيب. الامينة العامة للحزب ل"كود" : لا اقبل ان ارد او نجاوب على امثالو

منصف بلخياط وكيل لائحة حزب التجمع الوطني للاحرار بانفا بالبيضاء في الانتخابات البلدية طيح النيفو مزيان. اختار ان يهاجم ربما اشرف متنافسة في دائرته وفي الدار البيضاء مرشحة اليسار الموحد نبيلة منيب٬ وكتب تويت قال فيه "شكون هاد لمرا الزوينة. كيبان لي بورجوازية. كلاص وزاز". طبعا باغي يتهكم عليها لانه حسب عقلية من ارتبط اسمه بفضيحة اودي وفضائح تحويل املاك الشبيبة والرياضة الى "مارجان" في محاولة منه لرد دين في عنقه من ولي نعمته محمد منير الماجيدي المشرف على الهولدينك الملكي الشركة الوطنية للاستثمار٬ هذا الشخص يريد ان يقول ان ممثلة اليسار لا علاقة لها بابناء الشعب.
وفي تعليقها على هذه التغريدة قالت نبيلة منيب ل"كود" "سمعت بداك الشي ما شفتوش" قبل ان تضيف بحزم "لا اقبل ان ارد او نجاوب على امثالو. لن انزل الى مستوى من باع البلاد والعباد ولا اقبل حتى اعتذاره ان فعل".
للاشارة فان منيب ستتنافس مع بلخياط في نفس الدائرة. ويعول بلخياط بشكل اساسي على بنعبد الله برلماني الحزب لنيل الاصوات. بنعبد الله سبق ان ترأس جماعة انفا ويعرف جيدا فين يمشي يقلب على الاصوات باحدى كاريانات هاد الحي اللي فالظاهر ديالو بورجوازي.
لو قام بلخياط وسب قيادية في البام كما فعل قيادي من الحزب في الحسيمة واتهم البام بالحزب المافيوزي٬ لقام مزوار على الفور بطرده او بتوقيفه. ولكن مادام ان بلخياط ما سبش الاصالة والمعاصرة مزوار غادي يبقى هاني وحتى واحد ما يتصل بيه وما عرفناش اش غادي يكول ليه قبل ما يخرج بيان يجمد عضويته. وفينك امزوار يا اللي كيكول كندافع على النساء وكنحترم النساء شوف اش دار اللي عطيتي لشركتو تشرف على حملة حزبك