شعب الفايسبوك المغربي يتهكم ويسخر من قرار المغرب وقف افتتاح متجر "ايكيا": راه ايلى ضامنات هاد الشركة اللي باعت فاخر سنة 45 مليار دولار مع البوليساريو مشينا فيها

هناك شبه اجماع على قرار منع افتتاح المغرب لفرع "ايكيا" بالمحمدية بسبب اعتراف السويد بالبوليساريو على وسائل التواصل الاجتماعي. "قمة الفشل وسوء ادارة الملف" و"السياسة صغيرة بزاف" و"فولفو خائن للوطن" في تهكم على القرار.
اصحاب الفايسبوك وتويتر يتساءلون عمن اتخذ القرار وكيف اتخذه ولماذا تم جمع الاحزاب ثم فوجئوا بالقرار.
بعض الناشطين في الفايس قرروا تقديم معطيات حول "ايكيا" ليظهرو عبثية القرار المغربي، فالمهندس مروان العلوي كتب هذا الصباح "عزيزي المسؤول المغربي الذي قرر إيقاف مشروع Ikea ردا على إعتراف السويد بلبوليزاريو ،
هل تعلم أن ايكيا وخا المؤسس ديالها سويدي ومرتبطة الصورة ديالها مع السويد ، لكن هي في الحقيقة شركة هولندية ، مملوكة لمؤسسة خيرية هولندية وما كتخلص حتى ريال ديال الضرائب للسويد وحتى المقر ديالها كاين في ليدن هولندا.
هل تعلم أنك تعطي نظرة طفولية على سياسة المغرب الخارجية وحتى سياسته الإقتصادية بهاد العملية ، وغادي تخلي أي مستثمر يفكر 100 مرة قبل ما يجي يستثمر عندنا
وهل تعلم أنك بهاد البسالة ما غادي تبدل حتى حاجة في سياسة السويد مع الانفصالين بل بالعكس كتزيد تقوي الموقف ديالهم ، أما إذا بغيتي تبدل هاد الموقف غادي يخصك تخلي هدوك الدبلوماسين صحاب الكرش الكبيرة ديالك لي تماك يخدمو شوية ويحللو رزقهم ، وتحاول توصل الرسالة ديال المغرب للشعب ديالهم وتحاول تقنعهم حيث هما وبعكس شي دول كيتحركو بالإرادة ديال شعبهم فقط".
واحد قدم ارقام فلكية عن معاملة الشركة "اسمها فقط اسمها ماشي رأس المال كيجيب ليها فالعام 12 مليار دولار، والعام الماضي باعت 45 مليار دولار وعندها 370متجرا ف47 دولة فامريكا عندها 248 متجرا غير فهاد الدولة. هاد السيد تساءل و"دابا ايلى قررات ايكيا تساند البوليساريو غير بوحدها بسنتيم فعملية بيع راها ترجع البوليساريو منظمة غنية جدا" يضيف المواطن نفسه ساخرا
هناك فئة اعتبرت القرار صائبا ويدخل في اطار السيادة الوطنية وان لا يسمح لاحد ان يتلاعب بقضية المغاربة الاولى. بعض الصحافيين والصحافيات عبروا عن اسفهم لحضور ندوة صحافية للشركة امس الاثنين بالدار البيضاء.